Грабаўскі сельсавет (Гомельскі раён)

Гра́баўскі сельсавет — адміністрацыйна-тэрытарыяльная адзінка ў складзе Гомельскага раёна Гомельскай вобласці Беларусі. Адміністрацыйны цэнтр — вёска Грабаўка.

Грабаўскі сельсавет
Краіна	Беларусь
Уваходзіць у	Гомельскі раён
Уключае	8 населеных пунктаў
Адміністрацыйны цэнтр	Грабаўка
Дата ўтварэння	8 снежня 1926
Насельніцтва	▲1 737 чал. (2019)[1]
Часавы пояс	UTC+03:00
Тэлефонны код	+375 232
Код аўтам. нумароў	3
Афіцыйны сайт

У паняцця ёсць і іншыя значэнні, гл. Грабаўскі сельсавет.

Пасля другога ўзбуйнення БССР з 8 снежня 1926 года сельсавет у складзе Насовіцкага раёна Гомельскай акругі БССР. З 4 жніўня 1927 года ў складзе Гомельскага раёна. Пасля скасавання акруговай сістэмы 26 ліпеня 1930 года ў Гомельскім раёне БССР. З 10 лютага 1931 года ў складзе Церахоўскага раёна, з 20 лютага 1938 года — Гомельскай вобласці. 16 ліпеня 1954 года да сельсавета далучана тэрыторыя скасаванага Пясочна-Будскага сельсавета^[2]. З 25 снежня 1962 года ў складзе Добрушскага раёна. З 18 студзеня 1965 года ў складзе Гомельскага раёна, апрача пасёлка Кавалёў, які быў перададзены Насовіцкаму сельсавету Добрушскага раёна^[3]. На 1 студзеня 1974 года ў складзе сельсавета 8 населеных пунктаў^[4].

Насельніцтва сельсавета паводле перапісу 2009 года — 1557 чалавек^[5], з іх 89,0 % — беларусы, 7,3 % — рускія, 2,6 % — украінцы^[6]; паводле перапісу 2019 года — 1737 чалавек^[7].

Зноскі

1. http://pop-stat.mashke.org/belarus-census-2019/homielskaja.htm
2. Указ Президиума Верховного Совета БССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
3. Рашэнне выканкома Гомельскага абласнога Савета дэпутатаў працоўных ад 18 студзеня 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).
4. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 79. — 248 с. — 10 000 экз.
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года