Гравель

Возера Гравель (фр.: Lac de Gravelle) — найменшае з 4 азёр Венсенскага лесу. Аб'ём возера складае 28000 м³, плошча люстэрка - ≈ 0,01 км². Знаходзіцца ў паўднёва-ўсходняй частцы Венсенскага лесу, прыкладна ў 50 метрах на поўдзень ад Венсенскага іпадрома  (фр.). Як і тры іншыя возера парку (Мінім, Сен-Мандэ і Даменіль), Гравель з'яўляецца часткай гідрасістэмы Венсенскага лесу. Возера Гравель размешчана вышэй за астатнія азёры парка, таму менавіта праз яго ажыццяўляецца забеспячэнне азёр парка водамі Сены. З астатнімі азёрамі парка Гравель злучаецца пры дапамозе двух невялікіх каналаў; з Сен-Мандэ і Даменіль каналам, званым «Ручай Гравель» (фр.: Ruisseau de Gravelle),^[1] а з Мінім — каналам, які называецца «Рака Жуэнвіль» (фр.: Rivière de Joinville).^[2]

Гравель
фр.: Lac de Gravelle
Морфаметрыя
Вышыня над узроўнем мора	≈66—67 м
Даўжыня	0,25 км
Шырыня	0,05 км
Плошча	0,01 км²
Аб’ём	0,000 028 км³
Размяшчэнне
Краіна	Францыя (Парыж, Венсенскі лес)
Гравель
Гравель
Медыяфайлы на Вікісховішчы

Возера было выкапана ў 1860-ых гадах, падчас пераўтварэння Венсенскага леса ў парк, пад кіраўніцтвам інжынера Жана-Шарля Альфана  (фр.). З 1866 года па 1974 год возера Гравель было злучана праз помпавую станцыю Сен-Мор-дэ-Фасэ з Марнай^[3], але пасля адкрыцця аўтастрады А4  (фр.), якая праходзіць крыху паўднёвей, нагнятанне вод у возера ідзе з Сены, праз помпавую станцыю размешчаную каля Аўстэрліцкага моста  (фр.).^[4].

Глядзіце таксама

• Возера Мінім
• Возера Сен-Мандэ
• Возера Даменіль

Зноскі

1. Ruisseau de Gravelle sur le site du Sandre.
2. Le Lac des Minimes Архівавана 2 красавіка 2015. document de la ville de Paris.
3. Revue des eaux et forêts (vol. 42), éditions Berger-Levrault, 1903, p.578.
4. Le Lac Daumesnil Архівавана 2 красавіка 2015. document de la ville de Paris.