Граздоўнік рамонкалісты

Граздоўнік рамонкалісты (Botrychium matricariifolium) — від шматгадовых травяністых раслін роду граздоўнік сямейства вужоўнікавых^[1].

Граздоўнік рамонкалісты
Навуковая класіфікацыя
Дамен:  Эўкарыёты Царства:  Расліны Аддзел:  Папарацепадобныя Клас:  Псілотавыя Парадак:  Вужоўнікі (Ophioglossales) Сямейства:  Вужоўнікавыя Род:  Граздоўнік Від:  Граздоўнік рамонкалісты
Міжнародная навуковая назва
Botrychium matricariifolium (Döll) A. Braun ex W. D. J. Koch
Сістэматыка на Віківідах Выявы на Вікісховішчы ITIS   17183 NCBI   41915 EOL   596168 GRIN   t:412278 IPNI   17061300-1 TPL   tro-26602180

Апісанне

Шматгадовая раўнаспоравая папарацепадобная кароткакарэнішчавая расліна з дыферэнцыраванай на стэрыльны і спараносны ўчасткі ліставой пласцінкай (ваі). Вышыня да 20 см^[1]. У ніжняй частцы сцябло нярэдка чырванаватае.

Неспараносная (вегетатыўная) ліставая пласцінка адыходзіць вышэй сярэдзіны расліны, прадаўгавата-яйкападобная, на кароткай ножцы, перыста- або, радзей, 2-перыстарассечаная на 3-5 і больш пар лопасцевых або раздзельных сегментаў з тупымі няправільнымі долямі.

Пашырэнне

Еўрапейска-паўночнаамерыканскі барэальна-лясны від. Пашырэнне: Скандынавія, Сярэдняя і Атлантычная Еўропа, усходняя частка Паўночнай Амерыкі. Ва ўсім арэале сустракаецца рэдка, у некаторых краінах знік. У Беларусі находзіцца ў ізаляваных лакалітэтах за паўднёва-ўсходняй мяжой арэала. Месцы росту: сухадольныя (пераважна пусткавыя) нізкатраўныя разнатраўна-злакавыя лугі, лясныя паляны і ўзлескі ў сасновых, яловых і ялова-шыракалістых лясах кіслічнага тыпу, ядлоўцавыя рэдкалессі. Расце паасобнымі экземплярамі.

Асаблівасці біялогіі

Размнажэнне споравае. Спараносіць у маі-чэрвені, у вільготныя гады пазней. Пасля споранашэння надземная частка звычайна засыхае.

Ахова

Паштовая марка Беларусі

Уключаны ў Чырвоную кнігу Беларусі 2-га выдання (1993). Знаходзіцца пад дзяржаўнай аховай у Літве, Польшчы і Латвіі. Уключаны ў Дадатак I да Бернскай канвенцыі^[1].

Зноскі

1. Граздоўнік рамонкалісты ў Чырвонай кнізе Беларусі(недаступная спасылка)