Гуманітарныя навукі

Гуманіта́рныя наву́кі — навукі, што маюць дачыненне да чалавецтва, грамадскага быцця і свядомасці. Паводле прадмета і метаду часта атаясамліваюцца з грамадскімі навукамі, і супрацьпастаўляюцца прыродазнаўчым і тэхнічным навукам.

«Маладая чытачка», Жан Анарэ Фрагонар

Паходжанне назвы

Агульная назва гуманітарных навук паходзіць ад лацінскай фразы studia humanitatis у эпоху Адраджэння, што значыць вывучэнне чалавецтва. Лацінская фраза ўжывалася для абазначэння вывучэння класічнай літаратуры і мовы, якое разглядалася як важны аспект вытанчанай адукацыі ў эпоху Адраджэння. У пачатку 15 стагоддзя studia humanitatis была навучальным курсам, які складаўся з граматыкі, паэзіі, рыторыкі, гісторыі і філасофіі маралі, у асноўным на творах лацінскіх і грэчаскіх класікаў^[1].