Гутэнберг (выдавецтва)

У паняцця ёсць і іншыя значэнні, гл. Гутэнберг.

Выдавецтва «Гутэнберг» — прыватнае беларускае выдавецтва ў Польшчы, заснаванае ў 2023 годзе^[1][2].

Гутэнберг
Gutenberg Publisher
Тып	выдавецтва
Заснаванне	2023
Краіна	Польшча
Размяшчэнне	Кракаў
Адрас	Кракаў
Ключавыя постаці	Валянціна Андрэева
Прадукцыя	Кнігі, сувеніры
Сайт	gutenbergpublisher.eu

Гісторыя

Выдавецтва было заснавана ў 2023 годзе ў Кракаве беларусамі, што вымушана пакінулі радзіму^[3].

Першымі выданнямі выдавецтва сталі адрыўны каляндар-слоўнічак «Мова вольных: 365 родных слоў» (365 беларускіх слоў з перакладам на ўкраінскую, польскую і англійскую)^[3], пазл «Бітва пад Воршай 1514» (на 1000 элементаў) і «Беларускі народны соннік» (укладзены Алінай Высоцкай)^[4].

У красавіку 2023 года выдавецтва ўпершыню прыняло ўдзел у кніжным кірмашы, у Беластоку на беларускім павільёне^[5].

Кірункі дзейнасці

No AI content inside (знак)

Асноўныя кірункі дзейнасці — выданне навуковых, навукова-папулярных, даведкавых і мастацкіх кніг, настольных гульняў, стварэнне факсіміле мапаў і гравюр, выраб сувенірнай прадукцыі і прадметаў аздаблення інтэр’еру.

Выдавецтва першым пачало пазначаць сваю прадукцыю знакам «No AI content inside» («Без ужыцця штучнага інтэлекту»)^[6]. Знак быў прапанаваны адным з аўтараў выдавецтва (псеўданім Эліяш Барт).

Зноскі

1. Рыгор Сапежынскі. Gutenberg Publisher будзе не проста выдавецтвам, а і беларускай інтэлектуальнай прасторай (нявызн.). Будзьма беларусамі! (3 мая 2023). Праверана 9 мая 2023.
2. Заснавальніца беларускага выдавецтва ў Кракаве: «Беларусаў тут вельмі шмат, і яны цудоўныя» (нявызн.). Беларуская служба Радыё «Свабода» (25 лютага 2023). Праверана 9 мая 2023.
3. Выйшаў каляндар-слоўнічак для беларусаў вольнага свету (нявызн.). Наша Ніва (22 лістапада 2022). Праверана 9 мая 2023.
4. Які цуд! Тут неверагодныя падарункі для беларусаў: пазл і аўтэнтычны соннік (нявызн.). CityDog (19 красавіка 2023). Праверана 9 мая 2023.
5. На кніжным кірмашы ў Беластоку будзе працаваць беларускі павільён (нявызн.). MOST (19 красавіка 2023). Праверана 9 мая 2023.
6. Беларусы прыдумалі знак для твораў без выкарыстання штучнага інтэлекту (нявызн.). Наша Ніва (15 мая 2023). Архівавана з першакрыніцы 15 мая 2023. Праверана 16 мая 2023.