Гільдэнбрантыя рачная

Гільдэнбрантыя рачная^[1] (Hildenbrandia rivularis) — від чырвоных водарасцей манатыпнага роду сямейства Гільдэнбрантыевыя.

Гільдэнбрантыя рачная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Чырвоныя водарасці Пададдзел:  Eurhodophytina Клас:  Florideophyceae Падклас:  Hildenbrandiophycidae Парадак:  Hildenbrandiales Сямейства:  Гільдэнбрантыевыя Род:  Гільдэнбрантыя Від:  Гільдэнбрантыя рачная
Міжнародная навуковая назва
Hildenbrandia rivularis (Liebm.) J.Ag., 1837
Сістэматыка на Віківідах Выявы на Вікісховішчы IPNI   ??? TPL   ???

Апісанне

Эпілітная водарасць, утварае на паверхні субстрату плевачны шчыльнакоркавы кармінавы талом, бліжэй да перыферыі мае выгляд цёмна-чырвонай каймы. Талом акруглы, дыяметрам да 2,5 см; пры разрастанні таломы зліваюцца ў суцэльную корку таўшчынёй 50—100 мкм. Вертыкальныя ніткі простыя, рэдка дыхатамічна разгалінаваныя, з 7—10 клетак. Клеткі шырынёй 4—12 мкм, квадратныя або па даўжыні да 2 разоў большыя.

Распаўсюджанне

Пашырэнне: Еўразія, Амерыка, Афрыка. У Беларусі сустракаецца ў Лагойскім, Мінскім і Мядзельскім р-нах Мінскай вобл., Глыбоцкім і Ушацкім р-нах Віцебскай вобласці, у Гродзенскім р-не Гродзенскай вобл.^[2]

Расце на камяністым субстраце ў празрыстых рэках і ручаях з хуткім цячэннем ў зацененых месцах. Від, адчувальны нават да нязначных зменаў умоў росту. Індыкатар чыстых і праточных вод.^[2] Рэдкі від, які трапляецца ў невялікай колькасці на абмежаваных тэрыторыях.^[3]

Асаблівасці біялогіі

Полавы працэс невядомы. Размнажаецца вегетатыўна.

Ахова

Занесены ў Чырвоную кнігу Беларусі 2-га выдання (1993), а таксама ў Чырвоны пералік водарасцей, якія падлягаюць ахове ў Польшчы^[2].

Зноскі

1. Напісанне Гільдэбрантыя, ў адпаведнасці з БЭ ў 18 тамах., Т.5. Мн., 1997, С.245
2. Гільдэнбрандтыя рачная ў Чырвонай кнізе Беларусі(недаступная спасылка) (руск.)
3. Гільдэнбрандтыя рачная