Гімількон Мараплавец

Гімількон, Гімількон Маганід — карфагенскі палкаводзец, дзяржаўны дзеяч і мараплавец V ст. да н.э., унук Магона Вялікага, брат Ганона Мараплаўца^[2].

Гімількон Мараплавец
Нараджэнне	VI стагоддзе да н.э.
Смерць	V стагоддзе да н.э.[1]

Біяграфія

Вядомы перш за ўсё сваё падарожжам на паўночны захад Еўропы, не занадта інфарматыўныя паведамленні аб якім захаваліся ў Плінія ^[3] і Авіен. Мэтай падарожжа Гімількона было даследаванне берагоў, усталяванне беспасярэдніх кантактаў з пастаўшчыкамі волава (да таго ў ролі пасярэднікаў выступалі гандляры з Гадэса) і, магчыма, пошук месцаў для заснавання новых факторый і калоній Карфагена. Гімількон першым з карфагенян прайшоў уздоўж берагоў Біскайскага заліва, знайшоў вусце Луары, наведаў востраў Уксісама і Эстрымніі — звычайна яны атаясамліваюцца з Брэтанню, Корнуалам і суседнімі астравамі ^[4].

Нягледзячы на дасягненне зямель, багатых на паклады волава, і паспяховае вяртанне дадому, Гімількону аднак не ўдалося парушыць фактычную манаполію Гадэса на гандаль з жыхарамі атлантычнага ўзбярэжжа. Пра пэўныя цяжкасці сведчаць і скаргі мараплаўца на паклады вятры, водарасці і пачвар, якія нібыта перашкаджаюць падарожжам у Атлантыцы ^[5] — хоць цалкам верагодна, што жудасныя падрабязнасці былі спецыяльна дададзены да публічнай справаздачы, каб адбіць жаданне ў іншых (у тым ліку і канкурэнтаў карфагенян) паўтарыць падарожжа Гімількона^[6].

Зноскі

1. Dictionary of African Biography / E. K. Akyeampong, Henry Louis Gates, Jr. — NYC: OUP, 2012.

   <a href='https://wikidata.org/wiki/Track:Q217595'></a><a href='https://wikidata.org/wiki/Track:Q60'></a><a href='https://wikidata.org/wiki/Track:Q561458'></a><a href='https://wikidata.org/wiki/Track:Q46002746'></a><a href='https://wikidata.org/wiki/Track:Q18353479'></a>
2. Юстын, XIX, 2, 1
3. Пліній Старэйшы, Прыродазнаўчая гісторыя, II, 169a
4. Авіен,114-129
5. Авіен,380-389, 404—415
6. W.D.Roller, Through the pillars of Herakles: Greco-Roman exploration of the Atlantic, cc.27-28