Галіна Пятроўна Жаровіна

Галіна Пятроўна Жаровіна (6 красавіка 1946, Усць-Зула, Пермская вобласць — 17 чэрвеня 2024) — беларускі архітэктар-рэстаўратар.

Галіна Пятроўна Жаровіна
Дата нараджэння	6 красавіка 1946(1946-04-06)
Месца нараджэння	Усць-Зула, Q19836811?, Юрлінскі раён[d], Комі-Пярмяцкая аўтаномная акруга[d], Пермская вобласць, РСФСР, СССР
Дата смерці	17 чэрвеня 2024(2024-06-17) (78 гадоў)
Месца смерці	Мінск, Беларусь
Грамадзянства	Беларусь
Альма-матар	БПІ (1974)
Месца працы	Белрэстаўрацыя Мірскі дзяржаўны каледж
Член у	Беларускі саюз архітэктараў

У Вікіпедыі ёсць артыкулы пра іншых людзей з прозвішчам Жаровіна.

Біяграфія

Нарадзілася 6 красавіка 1946 года ў сяле Усць-Зула Пермскай вобласці. У 1974 годзе скончыла Беларускі політэхнічны інстытут. Працавала да 1988 года ў сістэме «Белрэстаўрацыя», дзе выканала шматлікія праекты па рэстаўрацыі помнікаў архітэктуры Мінска, Гродна, Чачэрска, Нясвіжа і інш^[1].

Пасля выкладала ў Мірскім дзяржаўным мастацкім ПТВ № 234 будаўніча-рэстаўрацыйных работ. У 1989 годзе арганізавала пры вучылішчы музей і тэатр-студыю «Мірская батлейка». У канцы года ўдзельнікі «Батлейкі» вырабілі першую скрынку з лялькамі - копію Магілёўскай батлейкі, арыгінал якой знаходзіцца ў адным з музеяў Санкт-Пецярбурга. Разам са сваімі вучнямі паставіла спектаклі «Цар Ірад», «Ганна Радзівіл» і іншыя^[1]. Займалася гістарычная даследчай часткай па рэканструкцыі Мірскага замка.

Член Саюза архітэктараў Беларусі з 1981 года^[1].

Памерла ўначы 17 чэрвеня 2024 года^[1].

Сям’я

У шлюбе з беларускім мастацтвазнаўцам Валянцінам Калніным^[1].