Дабрагашчанскі сельсавет

Дабрагашча́нскі сельсавет — адміністрацыйна-тэрытарыяльная адзінка ў складзе Жлобінскага раёна Гомельскай вобласці Беларусі. Адміністрацыйны цэнтр — вёска Дабрагошча.

Дабрагашчанскі сельсавет
Краіна	Беларусь
Уваходзіць у	Жлобінскі раён
Уключае	12 населеных пунктаў
Адміністрацыйны цэнтр	Дабрагошча
Дата ўтварэння	20 жніўня 1924
Насельніцтва (2019)	901
Часавы пояс	UTC+03:00
Код аўтам. нумароў	3
Афіцыйны сайт

Утвораны 20 жніўня 1924 года ў складзе Стрэшынскага раёна Бабруйскай акругі БССР. З 4 жніўня 1927 года ў складзе Жлобінскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Жлобінскім раёне БССР. З 20 лютага 1938 года ў складзе Гомельскай вобласці. З 28 чэрвеня 1939 года ў складзе адноўленага Стрэшынскага раёна, з 17 снежня 1956 года ў складзе Жлобінскага раёна. 11 лютага 1960 года да сельсавета далучана частка скасаванага Мормальскага сельсавета (Бор, Мормаль, майстэрня саўгаса «Мормаль» і станцыя Мормаль)^[1]. На 1 студзеня 1974 года ў складзе Дабрагашчанскага сельсавета 14 населеных пунктаў^[2]. 1 красавіка 1983 года скасаваны пасёлак Бор^[3], 16 верасня 2011 года — вёска Падхваёва^[4].

Насельніцтва сельсавета паводле перапісу 2009 года (13 населеных пунктаў) — 1232 чалавекі^[5], з іх 92,9 % — беларусы, 5,2 % — рускія, 1,1 % — украінцы^[6]; паводле перапісу 2019 года (12 населеных пунктаў) — 901 чалавек^[7].

Зноскі

1. Рашэнне выканкома Гомельскага абласнога Савета дэпутатаў працоўных ад 11 лютага 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 4.
2. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 85. — 248 с. — 10 000 экз.
3. Рашэнне выканкома Гомельскага абласнога Савета народных дэпутатаў ад 1 красавіка 1983 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1983, № 13 (1747).
4. Решение Жлобинского районного Совета депутатов от 16 сентября 2011 г. № 77 Об упразднении деревни Подхвоево Доброгощенского сельсовета
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года