Давыдаўскае радовішча каменнай солі

Давы́даўскае радо́вішча каме́ннай со́лі — радовішча каменнай солі ў Светлагорскім раёне Гомельскай вобласці, каля вёскі Давыдаўка. Адкрыта ў 1941 годзе^[1].

Геалагічная характарыстыка

Паклады звязаны з верхнедэвонскай саляноснай фармацыяй і прымеркаваны да Давыдаўскага падняцця Рэчыцкага вала Прыпяцкага прагіну. Соль залягае асобнымі пластамі з тонкімі праслоямі глініста-карбанатных парод^[1].

Запасы

Разведаныя запасы складаюць 20,7 млрд тон. Магутнасць карыснай тоўшчы вагаецца ад 2 да 69 м, паверхня адкладаў знаходзіцца на глыбіні 823,4—880 м.^[1]