Давід Аспіна

Даві́д Аспі́на Рамі́рэс (ісп.: David Ospina Ramírez; нар. 31 жніўня 1988, Медэльін, Калумбія) — калумбійскі футбаліст, брамнік саудаўскага клуба «Аль-Наср» з Эр-Рыяда і нацыянальнай зборнай Калумбіі.

Давід Аспіна
Агульная інфармацыя
Поўнае імя	Давід Аспіна Рамірэс
Нарадзіўся	31 жніўня 1988(1988-08-31)[1][2][…] (36 гадоў) Медэін, дэпартамент Ант’ёкія[d], Калумбія
Грамадзянства	Калумбія
Рост	183 см[3]
Вага	76 кг
Пазіцыя	брамнік
Інфармацыя пра клуб
Клуб	Аль-Наср
Нумар	1
Маладзёжныя клубы
Атлетыка Насьяналь
Клубная кар’ера[* 1]
2005—2008 Атлетыка Насьяналь 97 (-?) 2008—2014 Ніца 189 (-222) 2014—2019 Арсенал 29 (-23) 2018—2019 →  Напалі 17 (-20) 2019—2022 Напалі 64 (-54) 2022— Аль-Наср
Нацыянальная зборная[* 2]
2005—2007 Калумбія (да 20) 12 2007— Калумбія 124 (-100)
Узнагароды і медалі
Гульні Цэнтральнай Амерыкі і Карыбскага басейна Золата Картахена 2006 футбол Кубкі Амерыкі Бронза ЗША 2016 Бронза Бразілія 2021
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 1 ліпеня 2022
Медыяфайлы на Вікісховішчы

Клубная кар’ера

Дэбютаваў у клубе з роднага горада «Атлетыка Насьяналь» і ўжо ў 17 гадоў стаў асноўным брамнікам клуба. У 19 гадоў у Аспіны было некалькі прапаноў ад замежных клубаў, як мадрыдскага «Атлетыка» і «Бока Хуніярс», аднак пасля трох сезонаў у «Атлетыка» малады брамнік перайшоў у французскую «Ніцу»^[4], пасля няўдалай спробы перайсці ў «Боку».

У ліпені 2012 года з’явіліся чуткі, што Давід можа перайсці ў турэцкі «Бешыкташ», аднак 24 ліпеня дамова на пераход не была складзена і Давід працягнуў гуляць у Лізе 1. Яшчэ ў маі 2014 года стала вядома, што «Ніца» збіраецца падоўжыць з брамнікам дагавор, аднак Давід заявіў, што ён не будзе падпісваць новы кантракт з французскім клубам. Пасля выдатных выступаў за «Ніцу» і зборную Калумбіі на чэмпіянаце свету ў 2014 годзе, Аспінам зацікавіліся накалькі вядучых еўрапейскіх клубаў. Не зважаючы на тое, што іграком цікавіўся «Атлетыка», у выніку брамнік адправіўся ў склад «Арсенала»^[5]. Гэта было пацверджана 27 ліпеня 2014 года, як мяркуецца ігрок каштаваў клуба 3 млн фунтаў стэрлінгаў^[6].

У сезоне 2014/15 чаргаваўся ў браме з Войцехам Шчэнсным, у далейшым стаў другім брамнікам «Арсенала» пасля Петра Чэха. У жніўні 2018 года на правах арэнды стаў іграком «Напалі»^[7]. У ліпені 2019 года быў выкуплены італьянскім клубам^[8]. Пакінуў «Напалі» па заканчэнні кантракта ў чэрвені 2022 года, і ў ліпені ў якасці свабоднага агента падпісаў двухгадовы кантракт з клубам «Аль-Наср» з Саудаўскай Аравіі^[9].

Міжнародная кар’ера

У 2007 годзе Аспіна дэбютаваў у афіцыйных матчах у складзе нацыянальнай зборнай Калумбіі.

Дасягненні

«Атлетыка Насьяналь»

• Чэмпіён Калумбіі (3): 2005 (а), 2007 (а), 2007 (к)

«Арсенал»:

• Уладальнік Кубка Англіі (2): 2015, 2017
• Уладальнік Суперкубка Англіі: 2017

«Напалі»

• Уладальнік Кубка Італіі: 2020