Дагавор аб аб’яднанні Германіі
From Wikipedia, the free encyclopedia
Remove ads
Дагавор пра аб'яднанне Германіі (ням.: Einigungsvertrag) — дзяржаўны дагавор, заключаны паміж Федэратыўнай Рэспублікай Германія і Германскай Дэмакратычнай Рэспублікай 31 жніўня 1990 года аб ліквідацыі ГДР, яе далучэнні да Германіі і германскім адзінстве. Набыў моц 29 верасня 1990 года
Падпісанне Дагавора стала вынікам двухбаковых перамоў паміж дзвюма нямецкімі дзяржавамі, якія праходзілі на працягу 1990 года. Дэлегацыю ФРГ на перамовах узначальваў міністр унутраных спраў ФРГ Вольфганг Шойбле, а дэлегацыю ГДР — Гюнтэр Краўзэ.
Дагавор аб аб'яднанні Германіі ўсталяваў, што далучэнне Германскай Дэмакратычнай Рэспублікі да Федэратыўнай Рэспублікі Германія адбудзецца 3 кастрычніка 1990 года.
Remove ads
Асноўныя палажэнні
- Уваходжанне Германскай Дэмакратычнай Рэспублікі ў склад ФРГ ажыццяўляецца ў адпаведнасці з артыкулам 23 канстытуцыі ФРГ.
- Адноўленыя на тэрыторыі ГДР землі становяцца землямі ФРГ, на якіх неадкладна ўступае ў сілу канстытуцыя ФРГ.
- Горад Берлін, які ўключае 23 раёны, становіцца самастойнай зямлёй і сталіцай аб'яднанай Германіі.
- Маёмасць і даўгі ГДР пераходзяць да Германіі.
- Дзень 3 кастрычніка аб'яўляецца дзяржаўным святам.
Перадумовай для заключэння дагавора аб аб'яднанні Германіі стаў Дагавор аб канчатковым ўрэгуляванні ў адносінах да Германіі, які змяшчаў адмову чатырох дзяржаў-пераможцаў ад сваіх правоў у дачыненні да Германіі.
Дадаткі да Дагавора аб аб'яднанні рэгулявалі ўступленне прававых нормаў ФРГ на далучаных тэрыторыі. За некаторым выключэннем яны ўступалі ў сілу на тэрыторыі былой ГДР неадкладна з моманту далучэння. Права ГДР (напрыклад, Грамадзянскі кодэкс і Сямейны кодэкс ГДР), якое дзейнічала да гэтага, страчвала сваю юрыдычную сілу.
Remove ads
Гл. таксама
- Германскае пытанне
Спасылкі
Wikiwand - on
Seamless Wikipedia browsing. On steroids.
Remove ads