Дажынкі (фестываль)

Рэспубліка́нскі фестыва́ль-кірма́ш працаўнікоў вё́скі «Дажы́нкі» — штогадовы фестываль працаўнікоў вёскі, які праводзіўся ў Беларусі ў 1996—2014 гадах. На фестываляў ушаноўвалі лепшых працаўнікоў аграпрамысловага комплексу Беларусі. За ўсю гісторыю «Дажынак» фестываль не праводзіўся толькі аднойчы: у 1999 годзе з прычыны невысокага ўраджаю.

Дажынкі
Асноўная інфармацыя
Краіна	Беларусь

Афіцыйную частку фестывалю звычайна адкрывае шэсце пачэсных гасцей, дэлегацый абласцей, творчых калектываў і іншых удзельнікаў.

Штогадова ствараецца адпаведны план мерапрыемстваў па падрыхтоўцы да «Дажынак», паводле якога будуюцца новыя і рэканструююцца існуючыя аб’екты і камунікацыі, праводзіцца капітальны рамонт і добраўпарадкаванне гарадскіх вуліц.

10 сакавіка 2014 года Аляксандр Лукашэнка прапанаваў больш не праводзіць рэспубліканскія «Дажынкі», а ўзнагароджваць аграрыяў непасрэдна ў раёнах на базе аграгарадкоў і ў абласцях на базе райцэнтраў, за выключэннем гарадоў абласнога падпарадкавання і тых, дзе ўжо праходзіў фестываль-кірмаш^[1]. Таксама Лукашэнка прапанаваў узнагароджваць лепшых аграрыяў краіны не на рэспубліканскім фэсце-кірмашы ў верасні, а ў пачатку каляндарнага года ў Палацы незалежнасці ў Мінску^[2].

Месцы правядзення

• 1996 год — Столін
• 1997 год — Масты ^[3][4]
• 1998 год — Нясвіж ^[5]
• 2000 год — Шклоў
• 2001 год — Мазыр ^[6]
• 2002 год — Полацк ^[7]
• 2003 год — Пружаны ^[8]
• 2004 год — Ваўкавыск ^[9]
• 2005 год — Слуцк ^[10]
• 2006 год — Бабруйск ^[11]
• 2007 год — Рэчыца ^[12]
• 2008 год — Орша ^[13]
• 2009 год — Кобрын ^[14]
• 2010 год — Ліда ^[15]
• 2011 год — Маладзечна ^[16]
• 2012 год — Горкі ^[17]
• 2013 год — Жлобін ^[18]
• 2014 год — Гарадок ^[19]