Даманаўскі сельсавет

Дама́наўскі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр — аграгарадок Даманава.

Даманаўскі сельсавет
Краіна	Беларусь
Уваходзіць у	Івацэвіцкі раён
Уключае	4 населеныя пункты
Адміністрацыйны цэнтр	Даманава
Дата ўтварэння	12 кастрычніка 1940
Дата скасавання	9 жніўня 2022
Насельніцтва (2019)	1 384
Часавы пояс	UTC+03:00
Код аўтам. нумароў	1

Гісторыя

Утвораны 12 кастрычніка 1940 года ў складзе Быценскага раёна Баранавіцкай вобласці БССР. З 8 студзеня 1954 года ў Брэсцкай вобласці. З 14 кастрычніка 1957 года ў складзе Івацэвіцкага раёна, з 25 снежня 1962 года — Бярозаўскага раёна, з 6 студзеня 1965 года — адноўленага Івацэвіцкага раёна. 9 жніўня 2022 года скасаваны, тэрыторыя далучана да Быценскага сельсавета^[1].

Насельніцтва

Насельніцтва сельсавета паводле перапісу 2009 года — 2092 чалавекі^[2], з іх 91,6 % — беларусы, 5,3 % — рускія, 1,4 % — украінцы, 1,2 % — палякі^[3]; паводле перапісу 2019 года — 1384 чалавекі^[4].

Склад

На момант скасавання ў склад сельсавета ўваходзілі 4 населеныя пункты: аграгарадок Даманава, вёскі Вішнёўка, Дабрынева і Каханова.