Данута Рамуальдаўна Мышко

Данута Рамуальдаўна Мышко (дзявоч. Сцяцкевіч, нар. 26 жніўня 1963, г. Гродна) — беларускі літаратуразнавец, педагог. Кандыдат філалагічных навук (1993). Дацэнт (1999).

Данута Рамуальдаўна Мышко
Дата нараджэння	26 жніўня 1963(1963-08-26) (61 год)
Месца нараджэння	Гродна, Гродзенская вобласць, Беларуская ССР, СССР
Род дзейнасці	літаратуразнаўства, педагогіка
Месца працы	Гродзенскі дзяржаўны ўніверсітэт імя Янкі Купалы
Навуковая ступень	кандыдат філалагічных навук
Навуковае званне	дацэнт
Альма-матар	філалагічны факультэт ГрДУ (1985)

У Вікіпедыі ёсць артыкулы пра іншых людзей з прозвішчам Мышко.

Біяграфія

Нарадзілася ў Гродне ў сям’і рабочага. Вучылася ў СШ № 4 і № 14. Скончыла аддзяленне рускай мовы і літаратуры філфака Гродзенскага ўніверсітэта (1985).

Настаўнічала ў 8-годцы ў в. Нязбодзічы і ў Поразаўскай спецшколе-інтэрнаце Свіслацкага раёна (1985-87). У 1987-89 выкладала на кафедры рускай і замежнай літаратуры Гродзенскага ўніверсітэта. З 1989 — на кафедры польскай філалогіі гэтага ўніверсітэта.

Скончыла завочна аспірантуру Інстытута славяназнаўства і балканістыкі Расійскай Акадэміі навук у 1992. Дысертацыя кандыдата філалагічных навук прысвечана філасофскім аспектам навуковай фантастыкі С. Лема^[1].

Друкуецца з 1989. Вывучае гісторыю і сучасны стан польскай паэзіі. Выдала навучальны дапаможнік для студэнтаў «Польская паэзія другой паловы XVIII стагоддзя» (Гродна, 1997). Аўтар навучальна-метадычных выданняў па гісторыі польскай літаратуры.

Выбраная бібліяграфія

• Польская паэзiя другой паловы XVIII стагоддзя: дапаможнік па курсу «Гісторыя польскай літаратуры (Асветніцтва)» для студэнтаў спецыяльнасці Г.02.03 «Славянскія мовы і літаратуры» / Д. Р. Мышко. — Гродна, 1997. (Форма імя па бацьку — «Раманаўна».)
• Oda w poezji Stanisława Trembeckiego / Д. Р. Мышко // Literatury wschodniosłowiańskie : z najnowszych badań. — Białystok, 2010. — S. 325—329.

Зноскі

1. unicat.nlb.by