Даніла Парфіравіч Тамашоў

Даніла Парфіравіч Тамашо́ў^[2] (23 снежня 1875, в. Палошкава, цяпер Клімавіцкі раён, Магілёўская вобласць — 10 сакавіка 1926) — майстар і рэстаўратар смычковых інструментаў.

Даніла Парфіравіч Тамашоў
Род дзейнасці	захавальнік твораў мастацтва, скрыпічны майстар
Дата нараджэння	23 снежня 1875(1875-12-23)[1]
Месца нараджэння	Палошкава, Хатовіжская воласць[d], Клімавіцкі павет, Магілёўская губерня, Расійская імперыя[1]
Дата смерці	10 сакавіка 1926(1926-03-10)[1] (50 гадоў)
Грамадзянства	Расійская імперыя  СССР

З 1892 года вучыўся ў Кіеве, з 1896 года працаваў пад кіраўніцтвам А. Дзідло, вучня Ж. Б. Вільёма. З 1901 года самастойна вырабляў смычковыя інструменты ў Кіеве, з 1906 года — у Вялікім тэатры, кансерваторыі і іншых музычных установах Масквы.

Інструменты, вырабленыя Тамашовым, адзначаны ў 1911 годзе залатым медалём на выстаўцы ў Рыме. Захаваліся 26 скрыпак, 3 віяланчэлі яго работы. Адзін з яго інструментаў зберагаецца ў калекцыі рэдкіх музычных інструментаў у Нацыянальным музеі гісторыі і культуры Беларусі.

Зноскі

1. Тамашо́ў Даніла Парфіравіч // Беларуская энцыклапедыя: У 18 т. Т. 15: Следавікі — Трыо — Мн.: Беларуская Энцыклапедыя імя Петруся Броўкі, 2002. — С. 412. — 552 с. — ISBN 985-11-0251-2

   <a href='https://wikidata.org/wiki/Track:Q13028710'></a><a href='https://wikidata.org/wiki/Track:Q24038862'></a><a href='https://wikidata.org/wiki/Track:Q14271902'></a>
2. БелЭн 2002.