Даніэль Выгоўскі

У Вікіпедыі ёсць артыкулы пра іншых людзей з прозвішчам Выгоўскі.

Даніэль Выгоўскі (? — 1740) — вялікалітоўскі дзяржаўны дзеяч, кашталян менскі (1713—1740).

Даніэль Выгоўскі
Герб «Габданк зменены»
Кашталян менскі 1713 — 1740
Папярэднік	Шыман Друцкі-Любецкі
Пераемнік	Аляксандр Юзэфовіч-Глябіцкі
Смерць	1740(1740)
Род	Выгоўскія
Бацька	Канстанцін Выгоўскі
Маці	Рэгіна Мяшчэрына
Жонка	Тэрэза Друцкая-Сакалінская
Дзеці	Рахеля

Біяграфія

Паходзіў з роду Выгоўскіх герба «Габданк зменены», сын Канстанціна, кіеўскага войскага, пана на Лісянцы, і смаленскай чашнічанкі Рэгіны з Мяшчэрынаў герба «Польская Пагоня».

Быў старостам небароўскім і рэклінскім. Чашнік кіеўскі (1690—1704), канюшы вялікі літоўскі з 1708 года, кашталян менскі з 19 лютага 1713 года. У 1696 годзе быў паслом ад Вількамірскага павета на канвакацыйны сойм.

Быў жанаты з княжной Тэрэзай Друцкай-Сакалінскай. Меў дачу Рахелю, якая першы раз выйшла замуж за дарсунскага старосту князя Караля Агінскага, а другі раз за троцкага кашталяна Антонія Казіміра Сапегу.