Дарыя Срна

Да́рыя Срна (харв.: Darijo Srna; нар. 1 мая 1982, Меткавіч, СФРЮ) — харвацкі футбаліст, абаронца. Ігрок нацыянальнай зборнай Харватыі (2002—2016). На клубным узроўні вядомы па выступах за данецкі «Шахцёр», дзе доўгі час быў капітанам. У цяперашні час працуе спартыўным дырэктарам «Шахцёра».

Дарыя Срна
Агульная інфармацыя
Нарадзіўся	1 мая 1982(1982-05-01)[1][2][…] (43 гады) Меткавіч, Сацыялістычная Рэспубліка Харватыя, СФРЮ
Грамадзянства	Харватыя
Рост	182 см
Вага	78 кг
Пазіцыя	абаронца, паўабаронца
Інфармацыя пра клуб
Клуб	Шахцёр
Пасада	спартыўны дырэктар
Маладзёжныя клубы
Нератва Хайдук (Спліт)
Клубная кар’ера[* 1]
1999—2003 Хайдук (Спліт) 63 (4) 2003—2018 Шахцёр (Данецк) 339 (33) 2018—2019 Кальяры 26 (0)
Нацыянальная зборная[* 2]
1998 Харватыя (да 15) 1 (0) 1999—2000 Харватыя (да 17) 5 (4) 2000—2001 Харватыя (да 19) 7 (3) 2000—2002 Харватыя (да 21) 9 (4) 2002—2016 Харватыя 134 (22)
Трэнерская кар’ера
2019—2020 Шахцёр (Данецк) трэнер 2020— Шахцёр (Данецк) сп. дыр. 2023 Шахцёр (Данецк) в. а.
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 кастрычніка 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 26 мая 2018
Медыяфайлы на Вікісховішчы

Клубная кар’ера

«Хайдук»

Пасля заканчэння акадэміі Дарыя апынуўся ў спліцкім «Хайдуку», колеры якога ў той час абаранялі Мілан Рапаіч, Іван Лека, Матэ Біліч, Сціпэ Плецікоса. Калі Дарыя ў 17 гадоў выступаў за юніёрскую каманду, яго падключылі да асновы. «Хайдук» гуляў з заграбскім «Дынама» ў фінале Кубка Харватыі, тады «Хайдук» атрымаў паражэнне з лікам 1:3. Гэта быў першы матч Дарыя, ён выйшаў на поле на 65-й хвіліне і атрымаў чырвоную картку за тое, што ўдарыў суперніка ў твар. Праз два гады ў 19 гадоў стаў чэмпіёнам Харватыі.

«Шахцёр»

Мог перайсці ў «Шальке 04», дортмундскую «Барусію», «Рому», «Кайзерслаўтэрн» і кіеўскае «Дынама»^[3]. Аднак «Шахцёр» быў найбольш пэўны і прапанаваў найлепшыя ўмовы кантракту. Таксама некалькі чалавек з былой Югаславіі з’ехалі ва Украіну, і Дарыя прыняў прапанову з Данецка.

Харвацкі легіянер дэбютаваў у «Шахцёры» 12 ліпеня 2003 года ў матчы супраць запарожскага «Металурга». Бернд Шустэр на 76-й хвіліне паядынку выпусціў Срна на замену замест бразільца Брандау. Гэты матч завяршыўся буйной перамогай «аранжава-чорных» з лікам 3:0. Першы матч за «Шахцёр» у еўракубках згуляў у першым раўндзе Кубка УЕФА 24 жніўня 2003 года супраць бухарэсцкага «Дынама»^[4].

У снежні 2016 года з’явілася інфармацыя аб магчымым пераходзе Срны ў «Барселону», аднак абаронца застаўся ва Украіне. У верасні 2017 года была пацверджана станоўчая допінг-проба Срны і пазней ён быў дыскваліфікаваны да 22 жніўня 2018 года. У красавіку 2018 года абвясціў аб зыходзе з «Шахцёра».

«Кальяры»

У чэрвені 2018 года падпісаў кантракт з італьянскім клубам «Кальяры»^[5].

Міжнародная кар’ера

У зборнай Харватыі дэбютаваў у лістападзе 2002 года ў таварыскім матчы супраць зборнай Румыніі.

Трэнерская кар’ера

У чэрвені 2019 года вярнуўся ў данецкі «Шахцёр», калі стаў памочнікам новага галоўнага трэнера Луіша Каштру^[6]. З 2020 года стаў працаваць спартыўным дырэктарам клуба.

У кастрычніку 2023 года, пасля звальнення Патрыка ван Леўвена^[7] і да прызначэння Марына Пушыча^[8] быў выканаўцам абавязкаў галоўнага трэнера «Шахцёра».

Дасягненні

«Хайдук»

• Чэмпіён Харватыі: 2001
• Уладальнік Кубка Харватыі: 2003

«Шахцёр»

• Чэмпіён Украіны (10): 2005, 2006, 2008, 2010, 2011, 2012, 2013, 2014, 2017, 2018
• Уладальнік Кубка Украіны (8): 2004, 2008, 2011, 2012, 2013, 2016, 2017, 2018
• Уладальнік Суперкубка Украіны (8): 2005, 2008, 2010, 2012, 2013, 2014, 2015, 2017
• Уладальнік Кубка УЕФА: 2009