Джым Кэрал

У Вікіпедыі ёсць артыкулы пра іншых людзей з прозвішчам Кэрал.

Джым Дэніс Кэрал (англ.: James Dennis Carroll; 1 жніўня 1949, Манхэтэн, Нью-Ёрк, Нью-Ёрк, ЗША — 11 верасня 2009, там жа) — амерыканскі пісьменнік, паэт, аўтабіёграф і панк-музыкант. Найбольш вядомы як аўтар мемуараў «Дзённік баскетбаліста», якія ляглі ў аснову аднайменнага фільма 1995 года з Леанарда Дзі Капрыа.

Джым Кэрал
Род дзейнасці	спявак, паэт, раманіст, пісьменнік, аўтар дзённіка, паэт-песеннік, тэлеакцёр, кінаакцёр
Дата нараджэння	1 жніўня 1949(1949-08-01)[1]
Месца нараджэння	Манхэтэн, Нью-Ёрк, штат Нью-Ёрк, ЗША
Дата смерці	11 верасня 2009(2009-09-11)[2] (60 гадоў)
Месца смерці	Нью-Ёрк, штат Нью-Ёрк, ЗША
Месца пахавання	Saint Peter's Cemetery[d]
Грамадзянства	ЗША
Альма-матар	Калумбійскі ўніверсітэт Wagner College[d] Trinity School[d]
Узнагароды і прэміі	міжканфесійная ўзнагарода Джэймса Паркса Мортана[d]
Медыяфайлы на Вікісховішчы

Біяграфія

У падлеткавым узросце Кэрал быў зоркай юнацкага баскетбола, аднак затым у 13 гадоў прыахвоціўся да гераіну. Сваё бурнае сталенне ён апісваў у дзённіку, які пазней перапрацаваў і выдаў пад назвай «Дзённік баскетбаліста».

Яшчэ ў 1960-я Кэрал зарабіў славу як адзін з лепшых паэтаў свайго пакалення. У 1970-я яго сяброўка Паці Сміт пераканала яго заняцца музыкай, а гітарыст Rolling Stones Кіт Рычардс арганізаваў яму кантракт на тры альбомы.

Кэрал выпусціў свой першы дыск у 1980 годзе, другі ў 1982-м і трэці — у 1983-м. Яго працы лічацца класікай нью-ёркскага панка. У 1998 годзе ён вярнуўся да музыкі, запісаўшы яшчэ адзін альбом.

Кэрал таксама запісваўся з Rancid, Pearl Jam, Blue Öuster Cult і Лу Рыдам, а акрамя таго, выпусціў шэраг паэтычных зборнікаў і аўдыёкніг. Яго апошні зборнік, «Void of Course: Poems 1994—1997», выйшаў у 1998 годзе.