Джэрэмая Салівен Блэк

У Вікіпедыі ёсць артыкулы пра іншых людзей з прозвішчам Блэк.

Джэрэмая Салівен Блэк (англ.: Jeremiah Sullivan Black; 10 студзеня 1810 — 19 жніўня 1883) — амерыканскі юрыст, палітычны і дзяржаўны дзеяч, Дакладчык рашэнняў Вярхоўнага Суда ЗША^[en] (1861—1862), Дзяржаўны сакратар (1860—1861) і Генеральны пракурор ЗША (1857—1860) ў кабінеце Джэймса Б’юкенена, Вярхоўны суддзя Вярхоўнага суда Пенсільваніі (1851—1857).

Джэрэмая Салівен Блэк
англ.: Jeremiah S. Black
6-ы Дакладчык рашэнняў Вярхоўнага Суда ЗША[en] 1861 — 1862
Прэзідэнт	Аўраам Лінкальн
Папярэднік	Бенджамін Говард
Пераемнік	Джон Уоллес
23-і Дзяржаўны сакратар ЗША 17 снежня 1860 — 5 сакавіка 1861
Прэзідэнт	Джэймс Б’юкенен
Віцэ-прэзідэнт	Джон Кэбел Брэкінрыдж
Папярэднік	Льюіс Кас
Пераемнік	Уільям Генры Сьюард
24-ы Генеральны пракурор ЗША 6 сакавіка 1857 — 16 снежня 1860
Прэзідэнт	Джэймс Б’юкенен
Віцэ-прэзідэнт	Джон Кэбел Брэкінрыдж
Папярэднік	Калеб Кушынг
Пераемнік	Эдвін Стэнтан
10-ы Вярхоўны суддзя Вярхоўнага суда Пенсільваніі 1851 — 1857
Прэзідэнт	Франклін Пірс
Папярэднік	Джон Баністэр Гібсан
Пераемнік	Эліс Люіс
Нараджэнне	10 студзеня 1810(1810-01-10)[1][2][…] акруга Ёрк[d], Пенсільванія, ЗША
Смерць	19 жніўня 1883(1883-08-19)[1][2][…] (73 гады) Ёрк[d], акруга Ёрк[d], Пенсільванія, ЗША
Месца пахавання	Prospect Hill Cemetery[d][3]
Бацька	Генры Блэк[d]
Жонка	Mary Forward Black[d]
Дзеці	Chauncey Forward Black[d]
Партыя	Дэмакратычная партыя ЗША
Аўтограф
Медыяфайлы на Вікісховішчы

Біяграфія

Джэрэмая Салівен Блэк нарадзіўся 10 студзеня 1810 года ў графстве Ёрк^[en], штат Пенсільванія, каля рэчкі Стоні-Крык^[en]. Ён наведваў дзяржаўныя школы і вывучаў права ў офісе Чонсі Форварда, вядомага юрыста ў заходняй Пенсільваніі. Блэк быў прыняты у адвакатуру ў 1830 годзе.

Кабінет Б’юкенена (злева направа): Джэйкаб Томпсан^[en], Льюіс Кас, Джон Б. Флойд^[en], Джэймс Б’юкенен, Хаўэл Коб^[en], Ісаак Тусэй^[en], Джозэф Холт^[en] і Джэрэмая С. Блэк. 1859

У 1831 годзе Джэрэмая Блэк быў прызначаны намеснікам генеральнага пракурора графства Сомерсет^[en].

Джэрэмая Блэк быў перакананы дэмакрат і прыхільнік Эндру Джэксана. Ён пасябраваў з дэмакратам Джэймсам Б’юкененам на пачатку сваёй кар’еры, што прывяло да ягонага канчатковага прызначэння дзяржаўным сакратаром.

У 1842 годзе Блэк прыняў прызначэнне прэзідэнта-суддзі 16-й судовай акругі. Блэк заставаўся там да 1851 года, калі быў абраны ў Вярхоўны суд штата Пенсільванія. Першыя тры гады Блэк працаваў вярхоўным суддзёй і быў пераабраны ў 1854 г. У канцы свайго другога тэрміну новаабраны прэзідэнт Б’юкенен прызначыў Блэка генеральным пракурорам. Калі дзяржсакратар Льюіс Кас падаў у адстаўку, Блэка прызначылі Дзяржсакратаром ЗША.

28 лютага 1861 года Блэк даручыў дыпламатычным прадстаўнікам ЗША за мяжой перасцерагчы свае ўрады ад прызнання Канфедэрацыі.

Калі ў сакавіку 1861 адбылося ўрачыстае ўступленне на пасаду прэзідэнта Лінкальна, Блэк пакінуў пасаду дзяржсакратара ЗША. У 1861 годзе ён быў прызначаны дакладчыкам Вярхоўнага суда ЗША — паважанай, хаця і ніжэйшай пасады, чым ён займаў раней. Пасля доўгай і выдатнай кар’еры на дзяржаўнай службе Блэк вярнуўся да сваёй прыватнай юрыдычнай практыкі ў родным штаце Пенсільванія.

Джэрэмая Салівен Блэк памёр 19 жніўня 1883 года і быў пахаваны на могілках Праспект-Хіл^[en] у Ёрку, штат Пенсільванія^[4].

Зноскі

Памылка Lua у Модуль:External_links на радку 45: assign to undeclared variable 'link'.

1. Jeremiah Sullivan Black // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Jeremiah S. Black // GeneaStar

   <a href='https://wikidata.org/wiki/Track:Q98769076'></a><a href='https://wikidata.org/wiki/Track:Q3100478'></a>
3. Find a Grave — 1996.

   <a href='https://wikidata.org/wiki/Track:Q63056'></a>
4. Jeremiah Sullivan Black (нявызн.). findagrave.com. Find A Grave. Праверана August 27, 2018.