Джэрэмі Айранс

Джэрэмі Джон Айранс (англ.: Jeremy John Irons; нар. 19 верасня 1948 г.) — англійскі акцёр , лаўрэат прэміі «Оскар» за найлепшую мужчынскую ролю (1991) і шэрагу іншых прэстыжных узнагарод.

Джэрэмі Айранс
Дата нараджэння	19 верасня 1948(1948-09-19)[1][2][…] (76 гадоў)
Месца нараджэння	Коўз[d], Англія
Грамадзянства	Вялікабрытанія
Жонка	Sinéad Cusack[d]
Дзеці	Max Irons[d]
Адукацыя	Шэрбарнская школа[d] Bristol Old Vic Theatre School[d]
Прафесія	кінаакцёр, акцёр агучвання, тэатральны акцёр, тэлеакцёр, акцёр
Кірунак	камедыі Шэкспіра[d]
Член у	Каралеўская шэкспіраўская кампанія[d]
Узнагароды	прэмія «Даностыя»[d] (1997) прэмія «Тоні» за найлепшую мужчынскую ролю ў п’есе[d] (1984) European Film Academy Special Achievement Award[d] (1998) Прайм-тайм прэмія «Эмі» за найлепшую мужчынскую ролю другога плана ў міні-серыяле ці тэлефільме[d] (2006) прэмія «Еўропа – тэатру»[d] (2017)
IMDb	ID 0000460
Медыяфайлы на Вікісховішчы

Біяграфія

Джэрэмі Айранс нарадзіўся 19 верасня 1948 года ў горадзе Коўз, востраў Уайт у праліве Ла-Манш. Пачаў працаваць асістэнтам у тэатры пасля таго, як праваліўся на ўступных экзаменах у ветэрынарную школу. Два гады вучыўся на акцёрскіх курсах тэатра «Олд Вік» у Брысталі (Bristol Old Vic Theatre School).

У 1971 годзе пераехаў у Лондан. Працаваў у трупе Тэатра Вест-Энду і на тэлебачанні. Крытыкі адзначылі яго ролю ў тэлесерыяле «Вяртанне ў Брайдсхед» (Brideshead Revisited, 1981). У 1981 годзе зняўся з Мерыл Стрып у фільме «Жанчына французскага лейтэнанта».

У 1984 годзе сыграў галоўнага героя ў «Каханні Свана» (экранізацыя другой часткі рамана «У кірунку да Свана» Марселя Пруста), дзе роля Одэты выканала Арнела Муці. Стаў членам трупы Каралеўскага шэкспіраўскага тэатра.

Айранс двойчы здымаўся ў рэжысёра Дэвіда Кроненберга: у фільме «Намёртва звязаныя» (1988) і ў драме «М. Батэрфляй» (1993).

У 1990 годзе атрымаў «Оскар» за ролю ў трылеры «Выварат лёсу». У 1994 годзе агучыў Шнара ў мультфільме «Кароль Леў». Таксама сыграў ролю тэрарыста Саймана Грубера ў «Дужым арэшку 3». У 1997 годзе сыграў Гумберта ў «Лаліце» па рамане У. Набокава.

Джэрэмі Айранс таксама вядомы па такіх карцінах як «А зараз, дамы і спадары», дзе яго партнёркай была вядомая французская спявачка Патрысія Каас, а таксама па карціне «Калас назаўжды» з Фані Ардан. Абедзве карціны выйшлі ў 2002 годзе. У 2006 годзе выканаў ролю Брома ў фільме «Эрагон».

У 2011 годзе Джэрэмі Айранс зняўся ў ролі Радрыга Борджыа (Аляксандра VI) у тэлесерыяле «Борджыа».

Выбраная фільмаграфія

Год		Беларуская назва	Арыгінальная назва	Роля
1986	ф	Місія	The Mission	айцец Габрыэль
1992	ф	Шкода	Damage	Стывен Флемінг
1997	ф	Лаліта	Lolita	Гумберт Гумберт

Узнагароды

• 1991 — Прэмія «Оскар» за найлепшую мужчынскую ролю.