Асот агародны

Асот агародны^[1] (Sónchus oleráceus) — аднагадовая травяністая расліна сямейства Астравыя, ці Складанакветныя (Asteraceae).

Асот агародны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Cichorioideae Трыба:  Cichorieae Род:  Асот Від:  Асот агародны
Міжнародная навуковая назва
Sonchus oleraceus L., 1753
Сістэматыка на Віківідах Выявы на Вікісховішчы ITIS   38427 NCBI   50207 EOL   492350 GRIN   t:34939 IPNI   250268-1 TPL   gcc-26069

У паняцця ёсць і іншыя значэнні, гл. Асот агародны.

Назва

Асот агародны, асот^[2], асот малочны, дзедзьвір^[3][4][5], малочнік^[6].

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926.

Аднагадовая расліна вышынёй 25-100 см. Сцябло часта галінастае.

Лісце зубчастае, лірападобна пёрыстараздзельнае з буйной сэрцападобна-трохкутнай верхавіннай доляй, значна перавышае бакавое.

Валодае млечным сокам.

Светла-жоўтыя кветкі сабраны ў суквецці-кошыкі. Цвіце з чэрвеня па верасень.

Распаўсюджанне і асяроддзе пражывання

Шырока распаўсюджаны ў еўрапейскай частцы Расіі, на Каўказе, у Заходняй і Усходняй Сібіры, на Далёкім Усходзе і ў Сярэдняй Азіі.

Гаспадарчае значэнне і прымяненне

Яго ахвотна ядуць амаль усе свойскія жывёлы, асабліва авечкі. На акультураных тэрыторыях з’яўляецца звычайным пустазеллем.

Маладое лісце можна выкарыстоўваць для падрыхтоўкі супоў, капусты, салатаў. Для выдалення з іх горычы — вымочваюць у салявым растворы 25-30 хвілін. Можна ўжываць і карані — вараныя яны нагадваюць тапінамбур.

Расліна ўжываецца ў народнай медыцыне.

Меданос^[7].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 124. — 160 с. — 2 350 экз.
2. Шатэрнік М. В. Краёвы слоўнік Чэрвеньшчыны. Мінск, 1929
3. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
4. Носович И. И. Словарь белорусского наречия. Спб, 1870
5. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
6. Анненков Н.  (руск.) Ботанический словарь, Спб, 1878
7. Абрикосов Х. Н. и др. Осот // Словарь-справочник пчеловода / Сост. Федосов Н. Ф.. — М.: Сельхозгиз, 1955. — С. 238. Архівавана 7 студзеня 2012.