Дземяхоўскі сельсавет

Дземяхо́ўскі сельсавет — былая адміністрацыйна-тэрытарыяльная адзінка ў складзе Рэчыцкага раёна Гомельскай вобласці. Цэнтр — вёска Салтанова.

Дземяхоўскі сельсавет
Краіна	Беларусь
Уваходзіць у	Рэчыцкі раён
Уключае	10 населеных пунктаў
Адміністрацыйны цэнтр	Салтанова
Дата ўтварэння	8 снежня 1926
Дата скасавання	19 чэрвеня 2008
Насельніцтва	2 310 чал. (1999)
Код аўтам. нумароў	3

Пасля другога ўзбуйнення БССР з 8 снежня 1926 года сельсавет у складзе Рэчыцкага раёна Рэчыцкай акругі БССР. Цэнтр — вёска Дземяхі. З 9 чэрвеня 1927 года ў складзе Гомельскай акругі. 30 снежня 1927 года сельсавет узбуйнены, у яго склад увайшла тэрыторыя скасаваных Козскага, Салтаноўскага і Старакрасненскага сельсаветаў. Пасля скасавання акруговай сістэмы 26 ліпеня 1930 года ў Рэчыцкім раёне БССР. З 20 лютага 1938 года ў складзе Гомельскай вобласці. 13 лістапада 1987 года скасаваны пасёлак Новы Свет^[1]. 22 студзеня 2008 года цэнтр сельсавета перанесены ў вёску Салтанова^[2]. 19 чэрвеня 2008 года сельсавет перайменаваны ў Салтаноўскі^[3].

Зноскі

1. Рашэнне выканкома Гомельскага абласнога Савета народных дэпутатаў ад 13 лістапада 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1988, № 9 (1923).
2. Решение Речицкого районного Совета депутатов от 22 января 2008 г. № 64 О переносе административно-территориального центра Демеховского сельсовета
3. Решение Гомельского областного Совета депутатов от 19 июня 2008 г. № 144 О переименовании Демеховского сельсовета Речицкого района Архівавана 9 ліпеня 2021.