Дзень мёртвых

Дзень мёртвых (ісп.: Día de Muertos) — свята, прысвечанае памяці памерлых, якое праходзіць штогод 1 і 2 лістапада ў Мексіцы, Гватэмале, Гандурасе, Сальвадоры. Па павер'і ў гэтыя дні душы памерлых сваякоў наведваюць родны дом. Традыцыя ўзыходзіць да індзейцаў мая і ацтэкаў, якія прыносілі дары багіні Міктлансіўатль^[1] і будавалі сцены з выявай чарапоў — тсампантлі^[2].

У 2003 годзе свята было ўключана ЮНЕСКА у спіс нематэрыяльнай культурнай спадчыны чалавецтва^[3].

Катрына

У гэтыя дні ладзіцца карнавал, гатуюцца саладосці ў выглядзе чарапоў, робяцца спецыяльныя фігуркі апранутых жаночых шкілетаў — Катрына, гэта значыць модніца, франціха (ісп.: La Calavera de la Catrina).

Хлеб мёртвых — традыцыйная выпечка да Дня мёртвых

У 2004 годзе студэнты Нацыянальнага аўтаномнага ўніверсітэта Мексікі пабудавалі з 5667 цукровых, шакаладных і карамельных чарапоў сцяну, што на 2667 чарапоў перавышае ранейшую сцяну. Сцяна занесена ў Кнігу рэкордаў Гінеса^[2]

Гл. таксама

• Крыштальны чэрап

Зноскі

1. 1 і 2 лістапада Мексіка святкуе Дні мёртвых
2. Да Дня памерлых у Мексіцы ўзвялі сцяну з чарапоў
3. The Indigenous Festivity dedicated to the Dead.