Дзмітрый Іванавіч Захарчук

Дзмітрый Іванавіч Захарчук (нар. 13 ліпеня 1987, Навагрудак) — беларускі аграном і дэпутат.

Дзмітрый Іванавіч Захарчук

У Вікіпедыі ёсць артыкулы пра іншых людзей з прозвішчам Захарчук.

Біяграфія

Нарадзіўся 13 ліпеня 1987 года ў горадзе Навагрудак Гродзенскай вобласці^[1].

Скончыў Гродзенскі дзяржаўны аграрны ўніверсітэт па спецыяльнасці «Аграномія», Акадэмію кіравання пры Прэзідэнце Рэспублікі Беларусь па спецыяльнасці «Эканоміка і кіраванне на прадпрыемстве прамысловасці»^[1].

Працаваў аграномам сельскагаспадарчага вытворчага кааператыва «Астроўна» Смаргонскага раёна; намеснікам старшыні па раслінаводстве сельскагаспадарчага вытворчага кааператыва імя Гашкевіча Астравецкага раёна; вядучым аграномам па насенняводстве, галоўным аграномам агранамічнай службы філіяла «Аграфірма «Стары Дворац» РУП «Гроднаэнерга» Бераставіцкага раёна; дырэктарам філіяла «Агракомплекс «Шылавічы» агракамбіната «Скідзельскі» Ваўкавыскага раёна; першым намеснікам старшыні — начальнікам упраўлення сельскай гаспадаркі і харчавання Ваўкавыскага райвыканкама^[1]. З 30 красавіка 2021 — старшыня Воранаўскага раённага выканаўнага камітэта^[2].

Дэлегат VII Усебеларускага народнага сходу^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Гродзенскай вобласці (вылучаны ад Воранаўскага, Іўеўскага, Ашмянскага раёнаў)^[1]. Член Пастаяннай камісіі Савета Рэспублікі па рэгіянальнай палітыцы і мясцовым самакіраванні^[1].

Член Воранаўскай раённай арганізацыі РГА «Белая Русь»^[1].

Узнагароды

Узнагароджаны ганаровымі граматамі камітэта па сельскай гаспадарцы і харчаванні Гродзенскага аблвыканкама, Ваўкавыскага райвыканкама^[1].