Дзмітрый Аляксандравіч Жук

Дзмітрый Аляксандравіч Жук (нар. 7 ліпеня 1970, Леткаўшчына, Мінская вобласць, Беларусь) — беларускі журналіст, з 2018 года галоўны рэдактар газеты «Советская Белоруссия», прапагандыст рэжыму Лукашэнкі.

Дзмітрый Аляксандравіч Жук
Асабістыя звесткі
Дата нараджэння	7 ліпеня 1970(1970-07-07) (55 гадоў)
Месца нараджэння	Леткаўшчына, Маяцкі сельсавет, Слуцкі раён, Мінская вобласць, Беларуская ССР, СССР
Грамадзянства	Беларусь
Бацька	Алесь Жук
Альма-матар	філалагічны факультэт БДУ (1992)
Месца працы	СБ. Беларусь сегодня Беларускае тэлеграфнае агенцтва
Прафесійная дзейнасць
Род дзейнасці	журналіст, прапагандыст
Узнагароды	ганаровая грамата Нацыянальнага сходу Рэспублікі Беларусь выдатнік друку Беларусі[d] Ганаровая грамата Савета Міністраў Рэспублікі Беларусь (25 ліпеня 2018)

У Вікіпедыі ёсць артыкулы пра іншых людзей з прозвішчам Жук.

Сын беларускага пісьменніка Алеся Жука^[1].

Біяграфія

Нарадзіўся 7 ліпеня 1970 года ў вёсцы Леткаўшчына Слуцкага раёна Мінскай вобласці^[2].

У 1992 годзе скончыў філалагічны факультэт БДУ па спецыяльнасці — выкладчык беларускай і рускай моў і літаратуры. У 1992—1993 гадах працаваў выкладчыкам беларускай мовы і літаратуры ў гімназіі № 199 г. Мінска^[2].

З 1993 па 1997 гады працаваў у выдавецка-інфармацыйным цэнтры Нацыянальнага банка Беларусі. У 1997—1999 гадах працаваў у прадстаўніцтве расійскага інфармацыйнага агенцтва «Интерфакс» у Беларусі. У лістападзе 1999 года прызначаны кіраўніком прэс-службы Прэзідэнта Рэспублікі Беларусь Аляксандра Лукашэнкі. З 2003 па 2018 гады займаў пасаду дырэктара РУП «Беларускае тэлеграфнае агенцтва».

У лютым 2018 года прызначаны галоўным рэдактарам газеты «Советская Белоруссия»^[3] і стаў дырэктарам выдавецкага дома «Беларусь сегодня». Таксама Жук сакратар Беларускага саюза журналістаў, у снежні 2021 года ўключаны ў «Рэспубліканскі міжведамасны каардынацыйны савет па патрыятычным выхаванні насельніцтва Рэспублікі Беларусь»^[4].

У час кіраўніцтва Жука газета канчаткова ператварылася ў рупар агрэсіўнай праўладнай прапаганды, дзе з 2020 года значнае месца займаюць расійскія наратывы^[5][6]. Назіральнікі не раз выказвалі сумневы ў дастатковай кваліфікацыі Жука^[7].

Дэлегат VI і VII Усебеларускіх народных сходаў^[8].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад г. Мінска^[2][9]. Намеснік старшыні Пастаяннай камісіі Савета Рэспублікі па міжнародных справах і нацыянальнай бяспецы^[2].  

Член РГА «Белая Русь»^[2].  

Міжнародныя санкцыі

У 2011 годзе разам з іншымі ўплывовымі супрацоўнікамі і кіраўнікамі дзяржаўных СМІ Беларусі быў ўключаны ў Чорны спіс Еўрасаюза ў сувязі з хваляй рэпрэсій пасля прэзідэнцкіх выбараў 2010 года. Дзмітрыю Жуку быў забаронены ўезд на тэрыторыю краін ЕС, а актывы падлягалі замарожванню^[10]. Паводле Еўрапейскага савета Дзмітрый Жук: «нясе адказнасць за перадачу медыямі дзяржаўнай прапаганды, якая падтрымлівала і апраўдвала рэпрэсіі супраць дэмакратычнай апазіцыі і грамадзянскай супольнасці 19 снежня 2010 г., выкарыстоўваючы сфальсіфіцыраваную інфармацыю»^[11]. У 2016 годзе забарона была знята^[12].

20 лістапада 2020 года ўнесены ў санкцыйныя спісы Літвы, Латвіі і Эстоніі^[13].

5 жніўня 2024 года ўнесены ў спіс беларускіх чыноўнікаў, якім забаронены ўезд на тэрыторыю ЕС^[14].

Узнагароды

Мае Падзяку Прэзідэнта Рэспублікі Беларусь. Узнагароджаны ордэнам Пашаны, медалём «За працоўныя заслугі», ганаровымі граматамі Нацыянальнага сходу, Савета Міністраў (2018^[15]), Адміністрацыі Прэзідэнта, граматай Выканаўчага камітэта СНД, памятным знакам «МПА СНД. 25 год», нагрудным знакам «Выдатнік друку Беларусі»^[16].

Лаўрэат спецыяльнай прэміі Прэзідэнта Беларусі дзеячам культуры і мастацтва^[16].

Зноскі

1. Пять фактов о новом главном редакторе «Советской Белоруссии» Дмитрии Жуке (руск.)
2. Жук Дмитрий Александрович — Члены Совета Республики — Официальный сайт Совета Республики (нявызн.). Совет Рэспублікі. Праверана 29 жніўня 2025.
3. Лукашенко обновил руководство центральных СМИ // БЕЛТА (руск.)
4. Постановление Совета Министров Республики Беларусь от 29.12.2021 г. № 773 «О Программе патриотического воспитания населения Республики Беларусь на 2022-2025 годы» – Pravo.by (руск.). pravo.by. Праверана 15 красавіка 2024.
5. ashustin. В. Рубінчык. Народнае адзінства? (англ.)  (нявызн.) ? (2 верасня 2021). Праверана 15 красавіка 2024.
6. ashustin. Или крестик, или трусы… (англ.)  (нявызн.) ? (25 жніўня 2022). Праверана 15 красавіка 2024.
7. ashustin. «Краіна-браначка» (англ.)  (нявызн.) ? (31 снежня 2021). Праверана 15 красавіка 2024.
8. Жук Дмитрий Александрович — Члены Совета Республики — Официальный сайт Совета Республики (нявызн.). Совет Рэспублікі. Праверана 29 жніўня 2025.
9. Наши в Совете Республики! — Белорусский союз журналистов (руск.)  (нявызн.) ?. bsj.by. Праверана 15 красавіка 2024.
10. Поўны спіс 208 беларускіх чыноўнікаў, якім забаронены ўезд у ЕС
11. Council Decision 2012/642/CFSP of 15 October 2012 concerning restrictive measures against Belarus = Рашэнне Еўрапейскага савета аб рэстрыктыўных мерах супраць Беларусі, 15 кастрычніка 2012 г. (англ.)
12. ЕС зняў санкцыі з Беларусі Архівавана 5 верасня 2021.
13. Литва, Латвия и Эстония расширили санкционные списки беларусских чиновников (руск.). reform.by (20 лістапада 2020). Праверана 5 верасня 2021.
14. Council Implementing Regulation (EU) 2024/2113 of 26 July 2024 implementing Article 8a(1) of Regulation (EC) No 765/2006 concerning restrictive measures in view of the situation in Belarus and the involvement of Belarus in the Russian aggression against Ukraine
15. Пастанова Савета Міністраў Рэспублікі Беларусь ад 25 ліпеня 2018 года № 565 «Аб узнагароджанні Ганаровай граматай Савета Міністраў Рэспублікі Беларусь»(недаступная спасылка)
16. Жук Дмитрий Александрович — Члены Совета Республики — Официальный сайт Совета Республики (нявызн.). Совет Рэспублікі. Праверана 29 жніўня 2025.