Дзмітрый Васілевіч Грыгаровіч

У Вікіпедыі ёсць артыкулы пра іншых людзей з прозвішчам Грыгаровіч.

Дзмітрый Васілевіч Грыгаровіч (руск.: Дми́трий Васи́льевич Григоро́вич; 19(31) сакавіка 1822 — 22 снежня 1899 (3 студзеня 1900), Пецярбург) — рускі пісьменнік.

Дзмітрый Васілевіч Грыгаровіч
руск.: Дмитрий Васильевич Григорович
Род дзейнасці	пісьменнік, інжынер, празаік, мастацкі крытык, навеліст
Дата нараджэння	19 (31) сакавіка 1822[1]
Месца нараджэння	Сімбірск, Сімбірскі павет[d], Сімбірская губерня, Расійская імперыя
Дата смерці	22 снежня 1899 (3 студзеня 1900)[1] (77 гадоў)
Месца смерці	Санкт-Пецярбург, Расійская імперыя[2][1]
Месца пахавання	Літаратарскія масткі[d]
Грамадзянства	Расійская імперыя
Альма-матар	Мікалаеўскае інжынернае вучылішча[d]
Аўтограф
Медыяфайлы на Вікісховішчы

Біяграфія

Нарадзіўся 19 (31) сакавіка 1822 года ў вёсцы Чэрэмшан (Нікольскае) Стаўрапольскага павета Сімбірскай губерні.

Яго бацька-дваранін быў адстаўным гусарам, служыў аканомам у маці пісьменніка В. А. Салагуба; купіў маёнтак Дулебіна ў Кашырскім павеце Тульскай губерні. Маці — францужанка Сідонія дэ Вармон (прозвішча па першым мужы; у Расіі — Сідонія Пятроўна). Грыгаровіч вырас у выхаванні маці і бабулі, у ранняй маладосці недастаткова добра валодаў рускай мовай, доўга гаварыў з французскім акцэнтам.

У 8 гадоў яго адвезлі ў Маскву, дзе ён вучыўся ў Маскоўскай гімназіі (1831—1832) і прабыў каля 3 гадоў у французскім пансіёне «Манігеці». Па заканчэнні яго ў 1836 годзе паступіў у Санкт-Пецярбургскае інжынернае вучылішча, у якім правучыўся да 1840 года і пазнаёміўся з Ф. М. Дастаеўскім, які абудзіў у ім цягу да літаратуры. Схільнасці да ваеннай кар’еры не меў; сышоў з вучылішча пасля сур’ёзнай правіны: на вуліцы ня аддаў гонар вялікаму князю Міхаілу Паўлавічу. Пазней перавёўся ў Акадэмію мастацтваў, дзе пазнаёміўся з Тарасам Шаўчэнкам.

У 1858—1859 гадах Грыгаровіч па даручэнні марскога міністэрства здзейсніў падарожжа вакол Еўропы і апісаў яго ў шэрагу нарысаў, якія носяць агульную назву «Карабель Рэтвізан».

Памёр 22 снежня 1899 (3 студзеня 1900) (па іншых звестках 26 снежня) у Пецярбургу.

Зноскі

1. Большая российская энциклопедия — М.: Большая российская энциклопедия, 2004. Праверана 17 кастрычніка 2021.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q1768199'></a>
2. Григорович Дмитрий Васильевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 25 лютага 2017.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>