Дзмітрый Дзмітрыеў

Дзмітрый Дзмітрыеў (нар. 3 ліпеня 1978, Магілёў) — беларускі паэт, перакладчык, гукарэжысёр.

Дзмітрый Дзмітрыеў
Асабістыя звесткі
Дата нараджэння	3 ліпеня 1978(1978-07-03) (47 гадоў)
Месца нараджэння	Магілёў, Магілёўская вобласць, Беларуская ССР, СССР
Прафесійная дзейнасць
Род дзейнасці	перакладчык, паэт, гукарэжысёр
Мова твораў	беларуская

У Вікіпедыі ёсць артыкулы пра іншых людзей з прозвішчам Дзмітрыеў.

Біяграфія

Удзельнік лонг-ліста прэміі «Дебют» 2001 (Масква), анталогій «Освобожденный Улисс», «Русские стихи 1950—2000 годов. Антология (Первое приближение) в 2 томах», аўтар паэтычных зборнікаў «Полое собрание сочинений» (М. Издательство Льва Шпринца, 2002), «Ліра спіралі»^[1] (Мінск, Логвінаў, 2013). На беларускай мове друкаваўся ў газеце «Наша Ніва» і часопісе «Arche». Удзельнік выставаў візуальнай літаратуры «Worttandem» (Baden, Швейцарыя) і «Wort» (Аарау, Швейцарыя), шорт-ліста «Залатая літара» (2014). Пераклаў у суаўтарстве на беларускую мову вершы Генадзя Айгі^[2].

Спецыяльны прыз прэміі «Дэбют-2014» за «дасягненні ў візуальнай камбінаторнай паэзіі» з кнігай «Ліра спіралі».

Зноскі

1. Ганна Кісліцына. — Паміж паэзіяй і фокусам. — газета «Звязда» ад 27.02.2014
2. Айгі, Генадзь. Паклон — Спеву: сто варыяцыяў на тэмы народных спеваў Паволжа // № 10 — 2009 (85). С. 34—55. Пераклалі з рускай Дзмітрый Дзмітрыеў і Арцём Арашонак