Дзмітрый Міхайлавіч Мікулёнак

Дзмітрый Міхайлавіч Мікулёнак (нар. 1973, Мінск) — беларускі дзяржаўны дзеяч, міністр архітэктуры і будаўніцтва Беларусі (2018—2020).

Дзмітрый Міхайлавіч Мікулёнак
Міністр архітэктуры і будаўніцтва РБ 18 жніўня 2018 — 3 чэрвеня 2020
Прэзідэнт	Аляксандр Лукашэнка
Кіраўнік урада	Сяргей Румас
Папярэднік	Анатоль Чорны
Пераемнік	Руслан Пархамовіч
Нараджэнне	1973 Мінск, Беларуская ССР, СССР
Жонка	жанаты
Дзеці	сын і дачка
Адукацыя	будаўнічы факультэт БНТУ (1996) Акадэмія кіравання пры Прэзідэнце Рэспублікі Беларусь (2006)
Месца працы	МАПІД Упраўленне капітальнага будаўніцтва Мінгарвыканкама[d]
Узнагароды	Мінчанін года[d] (2015)

Біяграфія

Нарадзіўся і вырас у Мінску^[1]. Скончыў ў 1996 годзе будаўнічы факультэт БНТУ. У 1996—2004 гадах — інжынер, майстар па будаўніцтве, вытворца работ, начальнік вытворчага аддзела будаўнічага ўпраўлення № 256 Мінскага арэнднага прадпрыемства індустрыяльнага домабудавання «Мінскжылбуд» (у 2001 годзе ператворана ў ААТ «МАПІД»). З 2004 па 2006 год быў галоўным спецыялістам КУП «Упраўленне капітальнага будаўніцтва Мінгарвыканкама», затым намеснікам дырэктара па будаўніцтве будынка Нацыянальнай бібліятэкі КУП «Упраўленне капітальнага будаўніцтва Мінгарвыканкама».

У 2006 годзе скончыў Акадэмію кіравання пры Прэзідэнце Беларусі. У 2006—2011 гадах — галоўны інжынер — першы намеснік дырэктара КУП «Упраўленне капітальнага будаўніцтва Мінгарвыканкама». З 2011 года з’яўляўся дырэктарам прадпрыемства.

18 жніўня 2018 прызначаны міністрам архітэктуры і будаўніцтва Рэспублікі Беларусь^[1]. Заставаўся на пасадзе да чэрвеня 2020 года, пасля стаў першым намеснікам старшыні Мінскага гарадскога выканаўчага камітэта.

Узнагароды

• Медаль «За працоўныя заслугі» (2010) за ўзвядзенне комплекса «Мінск-Арэна»^[2].
• Званне «Будаўнік года»^[1].
• Званне «Мінчанін года» (2015)^[1].

Зноскі

1. МИНЧАНИН ГОДА. Директор КУП «УКС Мингорисполкома» Архівавана 15 лістапада 2017. (руск.)
2. Лукашэнка ўзнагародзіў Міхаіла Паўлава і Уладзіміра Ярмошына за ўклад у будаўніцтва «Мінск-Арэны»(недаступная спасылка)