Дзмітрый Нічыпаравіч Кайгародаў

Дзмітрый Нічыпаравіч Кайгародаў (нар. 31 жніўня (12 верасня) 1846, Полацк — 11 лютага 1924) — біёлаг, фенолаг, арнітолаг, папулярызатар прыродазнаўства, педагог.

Дзмітрый Кайгародаў
Дзмітрый Нічыпаравіч Кайгародаў
Дата нараджэння	31 жніўня (12 верасня) 1846[1] ці 12 верасня 1846(1846-09-12)[1]
Месца нараджэння	Полацк, Полацкі павет, Віцебская губерня, Расійская імперыя[2]
Дата смерці	11 лютага 1924(1924-02-11)[3][1] (77 гадоў)
Месца смерці	Ленінград, РСФСР, СССР[2]
Месца пахавання	Санкт-Пецярбург
Грамадзянства	Расійская імперыя
Бацька	Нічыпар Іванавіч Кайгародаў[d]
Дзеці	Anatoli Kaigorodov[d]
Род дзейнасці	лесавод, натураліст, біёлаг, арнітолаг, выкладчык універсітэта
Навуковая сфера	лесаводства[4], арніталогія[4], папулярызацыя навукі[4] і феналогія[d][4]
Месца працы	Лясны інстытут[d]
Навуковае званне	прафесар
Альма-матар	Лясны інстытут[d] (1872) Полацкі кадэцкі корпус Канстанцінаўскае артылерыйскае вучылішча[d] Міхайлаўскае артылерыйскае вучылішча[d]
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Кайгародаў.

Біяграфія

Скончыў Полацкі кадэцкі корпус, Канстанцінаўскае ваеннае (1863) і Міхайлаўскае артылерыйскае (1866) вучылішчы, Пецярбургскі земляробчы інстытут (1871, з 1881 года — Лясны інстытут). Потым вучыўся ў Тарандскай лясной акадэміі, Цюрыхскім палітэхнікуме на лясным факультэце. З 1875 года — загадчык кафедры лясной тэхналогіі і ляснога інжынернага мастацтва Ляснога інстытута ў Пецярбургу, прафесар, намеснік дырэктара інстытута (1887—1891).

Выкладаў прыродазнаўчыя навукі членам імператарскай сям’і. З 1877 года рэгулярна чытаў навукова-папулярныя лекцыі па прыродазнаўстве для рабочых і служачых Пецярбурга, да апошніх дзён не пакідаў навуковай дзейнасці.

Памёр Дзмітрый Нічыпаравіч 11 лютага 1924 года ў Ленінградзе, пахаваны ў садзе Ляснога інстытута (зараз Лесатэхнічная акадэмія). Імя Д. Н. Кайгародава носіць феналагічная камісія Рускага геаграфічнага таварыства. У 1947 годзе ў Ленінградскай лесатэхнічнай акадэміі была арганізавана Дзяржаўная феналагічная станцыя імя Д. Н. Кайгародава. На доме ў Лясным, дзе з 1905 года жыў Дзмітрый Нічыпаравіч (Інстытуцкі праспект, 21), размешчана мемарыяльная дошка.

Навуковая дзейнасць

Дзмітрый Кайгародаў стварыў феналагічную сетку для правядзення біякліматычнага раяніравання Еўрапейскай часткі Расіі (1885), склаў феналагічныя карты веснавога прылёту птушак. Сваёй дзейнасцю заклаў асновы феналагічных назіранняў Расіі, за што яго заслужана называюць «бацькам рускай феналогіі». З’яўляецца аўтарам «Рускага тлумачальнага лесатаварнага слоўніка» (1883), кніг «Чырваналессе», «Дзённік Пецярбургскай вясновай і асенняй прыроды», «З царства птушак», «Гутаркі пра рускі лес» (1880), «З зялёнага царства» (1888), «Дрэва і яго жыццё» (1897) і інш^[5].

Зноскі

1. Педагоги и психологи мира — 2012.

   <a href='https://wikidata.org/wiki/Track:Q126722605'></a>
2. Кайгородов Дмитрий Никифорович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
3. Кайгородов Дмитрий Никифорович // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 27 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
4. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
5. Кайгародаў Дзмітрый Нічыпаравіч