Дзмітрый Сяргеевіч Прышчэпа

У Вікіпедыі ёсць артыкулы пра іншых людзей з прозвішчам Прышчэпа.

Дзмітрый Прышчэпа (нар. 21 чэрвеня 2001) — беларускі футбаліст, абаронца расійскага клуба «Ротар» з Валгаграда.

Дзмітрый Прышчэпа
Поўнае імя	Дзмітрый Сяргеевіч Прышчэпа
Нарадзіўся	21 чэрвеня 2001(2001-06-21)[1] (23 гады) Мінск, Беларусь
Грамадзянства	Беларусь
Рост	184 см
Вага	76 кг[2]
Пазіцыя	абаронца
Інфармацыя пра клуб
Клуб	Ротар
Нумар	12
Клубная кар’ера[* 1]
2017—2020 Мінск 36 (0) 2019 →  Зеніт (Санкт-Пецярбург) 0 (0) 2021—2023 Крылы Саветаў (Самара) 4 (0) 2021 →  Крылы Саветаў-2 (Самара) 5 (0) 2022 →  Велес (Масква) 30 (1) 2023 →  Ротар (Валгаград) 10 (0) 2023— Ротар (Валгаград)
Нацыянальная зборная[* 2]
2017 Беларусь (да 17) 3 (0) 2019 Беларусь (да 19) 3 (1) 2020—2022 Беларусь (да 21) 14 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 6 чэрвеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 12 ліпеня 2022

Клубная кар’ера

Выхаванец футбольнага клуба «Мінск», у 2017 годзе пачаў выступаць за дубль. У пачатку 2018 года пачаў прыцягвацца таксама да асноўнай каманды. Дэбютаваў у Вышэйшай лізе 20 мая 2018 года ў матчы супраць магілёўскага «Дняпра» (0:0), выйшаўшы на замену ў канцы сустрэчы.

У сезоне 2019, дзякуючы траўмам асноўных абаронцаў сталічнага клуба, стаў часцей атрымоўваць месца ў галоўнай камандзе мінчан. У ліпені 2019 года стала вядома аб цікавасці да маладога абаронцы з боку санкт-пецярбургскага «Зеніта». У жніўні 2019 года перайшоў у «Зеніт» на правах арэнды з правам выкупу^[3]. У пецярбургскай камандзе выступаў за моладзевы склад, прыцягваўся да гульняў Юнацкай лігі УЕФА. У студзені 2020 года стала вядома, што расійскі клуб не будзе падаўжаць арэнду, і абаронца вярнуўся ў «Мінск»^[4]. У сезоне 2020 быў іграком стартавага складу «Мінска».

У студзені 2021 года, пакінуўшы «Мінск», адправіўся на прагляд у самарскія «Крылы Саветаў» і ў лютым падпісаў кантракт^[5]. З’яўляўся на полі рэдка, звычайна заставаўся на лаўцы запасных, таксама выступаў за другую каманду самарскага клуба ў ПФЛ. Па выніках сезона 2020/21 «Крылы Саветаў» выйшлі ў Прэм’ер-лігу, пасля чаго абаронца страціў месца ў асноўнай камандзе, толькі эпізадычна трапляў на лаўку запасных.

У студзені 2022 года адправіўся на турэцкі збор з маскоўскім «Велесам», які ў лютым аформіў арэнду футбаліста^[6]. У студзені 2023 года на правах арэнды перайшоў у валгаградскі «Ротар»^[7]. У чэрвені 2023 года падпісаў з валгаградскім клубам паўнавартасны кантракт^[8].

Міжнародная кар’ера

У кастрычніку 2017 года ў складзе юнацкай зборнай Беларусі (да 17 гадоў) прымаў удзел у адборачным раўндзе чэмпіянату Еўропы, дзе згуляў ва ўсіх трох матчах.

У кастрычніку 2019 года выступаў за юніёрскую зборную Беларусі (да 19 гадоў) у кваліфікацыйным раўндзе чэмпіянату Еўропы.

4 верасня 2020 года дэбютаваў у моладзевай зборнай Беларусі, калі выйшаў у стартавым складзе ў адборачным матчы чэмпіянату Еўропы супраць Нідэрландаў (0:7), аднак ужо на 7-й хвіліне быў выдалены.

Статыстыка выступленняў

Сезон	Дывізіён	Клуб	Краіна	Матчы	Галы
2017	дубль	Мінск		7	1
2018	Д1	Мінск		1	0
2019 (1)	Д1	Мінск		13	0
2019/20 (1)	мол.	Зеніт		6	0
2020	Д1	Мінск		22	0
2020/21 (2)	Д2	Крылы Саветаў		4	0
2020/21 (2)	Д3	Крылы Саветаў-2		5	0
2021/22 (1)	Д1	Крылы Саветаў		0	0
2021/22 (2)	Д2	Велес		12	0
2022/23 (1)	Д2	Велес		18	1
2022/23 (2)	Д3	Ротар		10	0