Дзяржаўная ДЮСШ Полацкага раёна

Спецыялізаваная вучэбна-спартыўная ўстанова фізічнай культуры і спорту «Полацкая дзяржаўная дзіцяча-юнацкая спартыўная школа» — спартыўная установа ў г. Полацку Полацкага раёна Віцебскай вобласці.

СВСУ ФКіС «Полацкая дзяржаўная дзіцяча-юнацкая спартыўная школа»
Заснавана	1946
Тып	дзіцяча-юнацкая спартыўная школа[d]
Краіна	Беларусь
Размяшчэнне	Полацк
Адрас	Віцебская вобласць, Полацкі раён, г. Полацк, вул. Стралецкая, 10а.
Сайт	sport-school.by

Гісторыя

Школа вядзе сваю гісторыю з 8 мая 1946 года. На падставе Пастановы дзяржаўнай штатнай камісіі пры Савеце Міністраў СССР, загадам Полацкага аблана была адкрыта дзіцячая спартыўная школа.

Аснову поспехаў ДЮСШ закладвалі першыя трэнеры: В. М. Стома, В. У. Гарбуноў, А. І. Сяргееў, Л. П. Бандарэнка і іншыя. У тыя гады быў падрыхтаваны першы майстар спорту СССР па лёгкай атлетыцы — Іван Арлоў.

З 1970 года на базе школы сталі працаваць 2 спартыўныя школы: ДЮСШ № 1 — лёгкая атлетыка, гімнастыка; ДЮСШ № 2 — баскетбол, гандбол, футбол, хакей. Цэлая плеяда маладых трэнераў стала працаваць з юнымі спартсменамі. Некаторыя з іх былі самі ў ліку выпускнікоў Полацкай спартыўнай школы.

У 2002 годзе адбылося аб’яднанне 2 спартыўных школ.

У цяперашні час у школе працуе 34 трэнеры-выкладчыкі, навучаюцца каля 1000 чалавек.

За час існавання трэнерамі спартыўнай школы было падрыхтавана 6 майстроў спорту міжнароднага класа, 31 майстар спорту і больш за 60 кандыдатаў у майстры спорту^[1].

Аддзяленні

• Баскетбол
• Валейбол
• Гандбол
• Футбол
• Лёгкая атлетыка
• Лыжныя гонкі
• Шахматы
• Бокс
• Мастацкая гімнастыка

Дырэктары школы

• Уладзімір Антонавіч Шуліка (1946—1950)
• Уладзімір Рыгоравіч Кіта (1950—1953)
• Аляксандр Іванавіч Селіванаў (1953—1989)
• Міхаіл МіхайлавічЖэнаў (1970—1978)
• Леанід Уладзіміравіч Закс (1984—1994)
• Міхаіл Уладзіміравіч Жыхар (1989—1998)
• Аляксандр Мікалаевіч Фраленкаў (1994—1998)
• Георг Шаломавіч Арліеўскі (1998—2000)
• Васіль Уладзіміравіч Глазкін (1998—2003)
• Аляксандр Сцяпанавіч Аўдачонак (2000—2003)
• Валерый Мікалаевіч Каваленка (2003—2006)
• Аляксей Браніслававіч Юркевіч (2006—2008)
• Леанід Мікалаевіч Сіняўскі (з верасня 2008 года і па цяперашні час)

Зноскі

1. Полацкая дзяржаўная дзіцяча-юнацкая спартыўная школа