Дзёрнавіцкі сельсавет (Верхнядзвінскі раён)

У паняцця ёсць і іншыя значэнні, гл. Дзёрнавіцкі сельсавет.

Дзё́рнавіцкі сельсаве́т — адміністрацыйна-тэрытарыяльная адзінка ў складзе Верхнядзвінскага раёна Віцебскай вобласці Беларусі. Адміністрацыйны цэнтр — вёска Дзёрнавічы.

Дзёрнавіцкі сельсавет
Краіна	Беларусь
Уваходзіць у	Верхнядзвінскі раён
Уключае	24 населеныя пункты
Адміністрацыйны цэнтр	Дзёрнавічы
Дата ўтварэння	20 жніўня 1924
Насельніцтва (2019)	706
Часавы пояс	UTC+03:00
Код аўтам. нумароў	2

Утвораны 20 жніўня 1924 года ў складзе Валынецкага раёна (з 9 сакавіка 1929 года — Боркавіцкі раён) Полацкай акругі БССР. Пасля скасавання акруговай сістэмы з 26 ліпеня 1930 года ў Боркавіцкім раёне БССР. З 8 ліпеня 1931 года ў складзе Дрысенскага раёна БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 20 мая 1960 года да сельсавета далучана тэрыторыя скасаванага Юзафоўскага сельсавета^[1]. 25 снежня 1962 года Дрысенскі раён перайменаваны ў Верхнядзвінскі. У 1971 годзе скасаваны вёскі Барысы і Верасна^[2]. На 1 студзеня 1974 года ў складзе сельсавета 34 населеныя пункты^[3]. 20 жніўня 1980 года скасавана вёска Кашалёва^[4], у 1987 годзе — вёска Саракавікі^[5], 27 чэрвеня 2008 года — вёска Фрэйзава^[6], 29 верасня 2017 года — вёска Юркава^[7].

Насельніцтва сельсавета паводле перапісу 2009 года — 895 чалавек^[8], з іх 92,1 % — беларусы, 5,9 % — рускія, 0,9 % — украінцы^[9]; паводле перапісу 2019 года — 706 чалавек^[10].