Дзікая пятрушка горная

Дзікая пятрушка горная^[1][2] (Peucedanum oreoselinum) — кветкавая расліна сямейства Парасонавыя (Apiaceae).

Дзікая пятрушка горная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Падсямейства:  Apioideae Трыба:  Selineae Род:  Дзікая пятрушка Від:  Дзікая пятрушка горная
Міжнародная навуковая назва
Peucedanum oreoselinum (L.) Moench, 1794
Сістэматыка на Віківідах Выявы на Вікісховішчы NCBI   1522194 EOL   5044722 GRIN   t:27462 IPNI   846307-1 TPL   kew-2403694

Назва

Пятрушка горная, пятрушка дзікая^[3], маркоўнік, пятрушка горная^[4][5], пятрушка палявая^[3].

Батанічнае апісанне

Шматгадовая травяністая расліна, з тоўстым верацёнападобным коранем. Дасягае 1,5 м у вышыню. Сцябло цёмна-зялёнае, прамое, рабрыстае, уверсе галінастае і нясе суквецце. Лісце буйное, пёрыстараздзельнае, з трыма немалымі долямі. Верхняе лісце слабаразвітае, дробнае. Суквецці — парасонікі, буйныя, да 15 см у дыяметры. Пялёсткі дробныя, да 1—2 мм даўжынёй, белыя або зелянява-жоўтыя. Плод — дзвюхсямянкі даўжынёй 4—5,5 мм. Расліна з прыемным водарам.

Распаўсюджанне і асяроддзе пражывання

Распаўсюджаны ў Еўропе, акрамя поўначы і крайняга поўдня^[6].

Ва Украіне расце ў змешаных і іглічных лясах, на пясках. Звычайная расліна на Палессі, у зоне лесастэпу і ў левабярэжнага стэпу. Цвіце ў чэрвені—ліпені.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 95. — 160 с. — 2 350 экз.
2. Доброчаева Д. Н., Котов М. И., Прокудин Ю. Н., и др. Определитель высших растений Украины. — К.: Наук. думка, 1987. — С. 238. (руск.) (укр.)
3. Анненков Н.  (руск.) Ботанический словарь, Спб, 1878
4. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
5. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
6. The Euro+Med PlantBase (нявызн.). Праверана 30.05.2018. (англ.)