Дняпроўка (гарадзішча)

Дняпроўка — археалагічны помнік каля былой вёскі Дняпроўка Дубровенскага раёна Віцебскай вобласці. Знаходзіцца за 1 км на захад ад урочышча, на мысе высокага правага берага Дняпра, дзе рэчышча са стромкімі берагамі стварае выгін у выглядзе падковы з востравам у сярэдзіне, які завецца "Гартань".

Гарадзішча
Дняпроўка
54°38′28″ пн. ш. 30°46′04″ у. д.HGЯO
Краіна	Беларусь
Статус	Гісторыка-культурная каштоўнасць Беларусі, шыфр 213В000464шыфр 213В000464

Апісанне

Пляцоўка памерам 16×30 м. Абмежавана з 2 бакоў ярам, з боку поля ўмацавана 2 валамі. Вышыня ўнутранага вала 4,5 м, вонкавага — 3 м. Вядома з 1873 года. Абследавалі ў 1928 годзе С. А. Дубінскі, у 1972 годзе У. Ф. Ісаенка. Культурны пласт больш за 1 м. У паўднёвай частцы гарадзішча на глыбіні 0,6 м выяўлены абломкі гліняных пасудзін, мур і рэшткі драўляных насцілаў. Матэрыялы адносяцца да днепра-дзвінскай, а таксама да культур тыпу верхняга пласта Банцараўшчыны і эпохі Кіеўскай Русі. Матэрыялы даследавання зберагаюцца ў Інстытуце гісторыі АН БССР.

Літаратура

• Гарадзішча (в. Дняпроўка) // Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мінск : БелСЭ імя П. Броўкі, 1985. — С. 264.