Дом-музей Сяргея Параджанава
From Wikipedia, the free encyclopedia
Remove ads
Дом-музей Сяргея Параджанава (арм.: Սերգեյ Փարաջանովի թանգարան) — музей у Ерэване, прысвечаны армянскаму рэжысёру і мастаку Сяргею Параджанаву. Адзін з самых папулярных музеяў горада. Адрас: Ерэван, вуліца Дзарагюх, 15-16.
Remove ads
Гісторыя
Музей быў створаны ў 1988 годзе, пасля першай выставы ў Музеі народнага мастацтва Арменіі. Параджанаў сам абраў месца (этнаграфічны квартал Дзарагюх у Ерэване) для ўласнага дома і музея і праект будаўніцтва.
З-за Спітакскага землетрасення 1988 года і сацыяльна-эканамічных праблем музей быў адкрыты толькі ў чэрвені 1991 года, праз год пасля смерці Параджанава.
Заснавальнік і дырэктар музея Завен Саркісян. Музей з’яўляецца адным з культурных цэнтраў Ерэвана, вядомы сваімі выставамі, публікацыямі і ганаровымі прыёмамі (у тым ліку штогадовымі зборамі гасцей Міжнароднага Ерэванскага кінафестывалю).
Remove ads
Экспазіцыя
Музей размешчаны ў традыцыйным армянскім двухпавярховым доме з унутраным дварком і драўлянай галерэяй.
Калекцыя музея прадстаўляе разнастайную мастацкую і літаратурную спадчыну Параджанава і складаецца з прыкладна 1400 экспанатаў, уключаючы абстаноўку тбіліскага дома Параджанава і асабістыя рэчы, перавезеныя ў Ерэван па яго волі яшчэ пры жыцці; інсталяцыі, калажы, асамбляжы, малюнкі, лялькі і капялюшы. У музеі таксама прадстаўлены неапублікаваныя сцэнарыі, лібрэта і розныя творы мастацтва, якія Параджанаў стварыў, знаходзячыся ў зняволенні. Напрыклад, прадстаўлены «талеры», якія Параджанаў зрабіў з накрывак ад кефірных бутэлек, седзячы ў Лук’янаўскай турме. Сярод іншых экспанатаў музея два адноўленыя мемарыяльныя пакоі, арыгінальныя плакаты, прызы фестываляў, лісты ад Федэрыка Феліні, Лілі Брык, Андрэя Таркоўскага, Міхаіл Вартанава і Юрыя Нікуліна, падарункі ад вядомых наведвальнікаў, Таніна Гуэра і Рамана Балаяна, які з’яўляецца аўтарам фільма «Ноч у музеі Параджанава». Музей выкарыстоўвае мастацкія і экспазіцыйныя прынцыпы самога Параджанава.
Музей арганізаваў каля 50 выставак, у тым ліку ў Канах, Афінах, Токіа, Маскве, Рыме, Тэгеране, Галівудзе і інш.
Remove ads
Зноскі
Wikiwand - on
Seamless Wikipedia browsing. On steroids.
Remove ads