Дом Сфаэла

Дом Сфаэла — будынак па вуліцы Пятроўскай, 67 у горадзе Таганрогу Растоўскай вобласці^[1], які быў пабудаваны ў другой палове XIX стагоддзя^[2].

Славутасць
Дом Сфаэла
Дом Сфаэла
47°12′52″ пн. ш. 38°55′49″ у. д.HGЯO
Краіна	Расія
Горад	Таганрог, вуліца Пятроўская, 67
Дата заснавання	другая палова XIX стагоддзя

Гісторыя

У другой палове XIX стагоддзя ў горадзе Таганрогу па вуліцы Пятроўскай, 67 з’явіўся дом, пабудаваны па рысунках, зробленых у 1862 годзе. Першай уладальніцай гэтай нерухомасці была кабета па прозвішчы Траццякова^[2].

З 1873 па 1880 год дом належаў купцу^[1] I гільдыі^[2] Антону Яўстаф’евічу Сфаэла^[1]. Ён нарадзіўся ў купецкай сям’і. Яго бацькамі былі Яўстафій Антонавіч і Фатына Канстанцінаўна. Апроч Антона, у сям’і было яшчэ некалькі дзяцей — Мікалай, Ганна і Канстанцін. У 1886 годзе Антон Яўстаф’евіч абвянчаўся з Аглаяй Дыянісаўнай Далапортэ. У іх нарадзілася некалькі дзяцей: Яўстафія, Іван, Канстанцін, Марыя, Дыянісій, Андрэй, Мікалай. Ёсць здагадкі, што Іван Антонавіч мог быць стрыечнікам Дзмітрыя Мінаевіча Сінодзі-Папова, сям’я якога валодала домам па вуліцы Грэчаскай, 84^[2]. З 1890 па 1906 год дом быў ва ўласнасці жонкі грэчаска-падданага Аглаіс Сфаэла, а ў 1915 годзе належаў ужо ганароваму грамадзяніну Мікалаю Іванавічу Бардашову^[1], які таксама валодаў іншай нерухомасцю ў Таганрогу — дамамі па вуліцы Пятроўскай, 11 і вуліцы Чэхаўскай, 88^[2].

На верхнім паверсе дома жыў^[1] (па іншых звестках — вучыў танцам) танцмайстар Джарджыніа Врондзі^[2]. У яго займалася гарадская моладзь і гімнасты. У Таганрогу італьянец быў спачатку вядомы пад творчым псеўданімам Жэржэці^[1]. У Таганрог Врондзі прыехаў у складзе італьянскай оперы, у сваёй кар’еры прайшоў шлях ад рэквізітара сцэны да балетмайстра. У выніку ён адкрыў уласныя танцавальныя класы, сярод яго вучняў быў пісьменнік Антон Паўлавіч Чэхаў. Врондзі жаніўся з рускай дзяўчынай і памяняў імя на Ягора Сямёнавіча^[1]. У якасці добраахвотніка ён быў заняты ў гарадской пажарнай дружыне. Жанаты Врондзі быў двойчы. Да рэвалюцыі на доме па вуліцы Пятроўскай, 67 вісеў надпіс «пракат п’яніна і раяліна», які не захаваўся. Таксама на першым паверсе гэтага дома працавалі масажыст Н. А. Равінскі і спецыяліст па кабінетнай фатаграфіі У. Вітчанка^[2]. У XXI стагоддзі дом займае крама «Глобал Электронікс»^[1].

Зноскі

1. Рафтопуло гостиница//Энциклопедия Таганрога, Ростов-на-Дону, Росиздат, 2003
2. Дом 67. Петровская улица Архівавана 18 сакавіка 2017.