Драздоўскі сельсавет

Драздо́ўскі сельсавет — былая адміністрацыйна-тэрытарыяльная адзінка ў складзе Бешанковіцкага раёна Віцебскай вобласці. Цэнтр — вёска Дразды.

Драздоўскі сельсавет
Краіна	Беларусь
Уваходзіць у	Бешанковіцкі раён
Уключае	34 населеныя пункты
Адміністрацыйны цэнтр	Дразды
Дата ўтварэння	13 студзеня 1984
Дата скасавання	8 красавіка 2004
Насельніцтва	1 606 чал. (1999)

Гісторыя

13 студзеня 1984 года цэнтр Бешанковіцкага сельсавета Бешанковіцкага раёна БССР перанесены ў вёску Дразды, сельсавет перайменаваны ў Драздоўскі^[1]. 21 верасня 1987 года ў склад сельсавета са Свячанскага сельсавета перададзены 6 населеных пунктаў (Давыдкавічы, Забар’е, Лукашоўка, Сенькаўшчына, Слабодка і Стрыжава)^[2]. 8 красавіка 2004 года сельсавет скасаваны, яго тэрыторыя ўвайшла ў склад адноўленага Бешанковіцкага сельсавета^[3].

Склад

На момант скасавання ў склад сельсавета ўваходзілі 34 населеныя пункты: вёскі Алейнікі, Аскершчына, Бабаедава, Баброўшчына, Берасні, Буй, Быстры, Варахобкі, Галыні, Галькі, Ганчарова 1, Ганчарова 2, Гаўрыліна, Давыдкавічы, Дразды, Жарабікова, Забар’е, Залужжа, Ільягова, Камоскі, Лабачова, Лукашоўка, Мамойкі, Папоўшчына, Паручнікі, Пяцігарск, Радзюкі, Сенькаўшчына, Слабодка, Стрыжава, Траяны, Трубіліна, Філіпінкі і Янаўшчына.