Дунайская нізіна

Дунайская нізіна (славацк.: Podunajská nížina) — частка Кішальфёльда паміж Дунаем, Малымі Карпатамі і іншымі часткамі Заходніх Карпат. Гэта адпавядае той частцы Кішальфёльда, якая размешчана на тэрыторыі Славакіі.

     Дунайская нізіна

Краявід з Трнаўскай нізіны на Малыя Карпаты

У геамарфалагічным дачыненні Дунайская нізіна ўтварае разам з Нойзідльскім басейнам у Аўстрыі і Дзьёрскім басейнам у Венгрыі адзіную структуру, аднак усё ж, як правіла, разглядаецца асобна. Дунайская нізіна ўяўляе сабой шырокую тэктанічную ўпадзіну, напоўненую пластом асадкавых парод чацвярцічнага перыяду вышынёй 100—350 м. Нізіна складаецца з дзвюх частак:

• Пагорыстая мясцовасць на поўначы (Podunajská pahorkatina)
• Дунайская раўніна на поўдні (Podunajská rovina)

Рэгіён носіць сельскагаспадарчы характар. Да буйнейшых населеных пунктаў, размешчаных у Дунайскай нізіне, адносяцца Топальчаны, Нове-Замкі, Комарна, Левіцы, Дунайска Стрэда і Галанта. Гэтыя гарады з'яўляюцца эканамічнымі і гандлёвымі цэнтрамі рэгіёна. У Дунайскай нізіне знаходзяцца таксама шматлікія старажытныя вінаробныя камуны, сярод якіх Светы Юр, Пезінак, Модра, а таксама курорты П’ешцяны і Дудзінцы.

На поўдні нізіны, перш за ўсё на Жытным востраве, пражывае буйная венгерская меншасць.

Гл. таксама

• Сярэднедунайская нізіна