Дымнік

Дымнік — адтуліна для выхаду дыму з курнай хаты. Часцей яго рабілі каля печы ў столі, зрэдку — у сцяне, каля дзвярэй. Адтуліна затыкалася або закрывалася засаўкай, якую адчынялі, калі палілі печ. Часам рабіўся драўляны або плецены з лазы і абмазаны глінай дымаход, які выводзіўся праз страху (пераходная канструкцыя да печы з комінам).

Літаратура

• Ды́мнік // Этнаграфія Беларусі: Энцыклапедыя / Рэдкалегія: І. П. Шамякін (гал. рэд.) і інш. . — Мн.: БелСЭ, 1989. — С. 187. — 575 с. — 20 000 экз. — ISBN 5-85700-014-9.