Дэздэмона (спадарожнік Урана)

Дэздэмона (англ.: Desdemona) — спадарожнік планеты Уран. Была адкрыта 13 студзеня 1986 года па здымках, зробленых апаратам «Вояджэр-2», і атрымала часовае абазначэнне S/1986 U 6. Названая ад імя персанажа з п’есы Шэкспіра «Атэла». Таксама пазначаецца як Уран X.

Існуе таксама астэроід пад назвай (666) Дэздэмона.

Дэздэмона
спадарожнік Урана
Здымак з «Вояджэра-2», на якім бачная Дэздэмона
Здымак з «Вояджэра-2», на якім бачная Дэздэмона
Гісторыя адкрыцця
Першаадкрывальнік	С. Сінат / «Вояджэр-2»
Дата адкрыцця	13 студзеня 1986
Арбітальныя характарыстыкі
Вялікая паўвось	62 658,364 ± 0,047 км[1]
Эксцэнтрысітэт	0,00013 ± 0,000070[2]
Перыяд абарачэння	0,473649597 ± 0,000000014 д[2]
Нахіл арбіты	0,11252 ± 0,037° (да экватара Урана)[2]
Фізічныя характарыстыкі
Дыяметр	90 × 54 × 54 км[3]
Сярэдні радыус	34 ± 4 км[3]
Плошча паверхні	~14 500 км2[4]
Маса	~2,3×1017 кг[4]
Шчыльнасць	~1,3 г/см3 (меркавана)
Паскарэнне свабоднага падзення	~0,011 м/с2[4]
Перыяд вярчэння вакол сваёй восі	сінхранізаваны
Альбеда	0,08 ± 0,01[5]
Тэмпература паверхні	~64 К[4]
Атмасфера	няма

Дэздэмона належыць да групы Порцыі, якая таксама ўключае ў сябе Біянку, Крэсіду, Джульету, Порцыю, Разалінду, Купідона, Белінду і Пердыту. У гэтых спадарожнікаў падобныя арбіты і фотаметрычныя ўласцівасці. За выключэннем арбіты, радыуса ў 34 км і геаметрычнага альбеда 0,08, пра Дэздэмону практычна нічога не вядома.

На здымках, перададзеных «Вояджэр-2», Дэздэмона выглядае як даўгаваты аб’ект, накіраваны сваёй галоўнай воссю на Уран. Суадносіны яе папярочнага памеру да падоўжнаму складаюць 0,6 ± 0,3. Паверхня мае шэры колер.

Паводле даследаванняў, Дэздэмона можа сутыкнуцца з Крэсідай або Джульетай праз 4-100 млн гадоў.