Дэйзі Рыдлі

У Вікіпедыі ёсць артыкулы пра іншых людзей з прозвішчам Рыдлі.

Дэйзі Джаз Ізабель Рыдлі (англ.: Daisy Jazz Isobel Ridley; нар. 10 красавіка 1992, Лондан, Вялікабрытанія) — англійская актрыса, атрымала шырокую вядомасць дзякуючы выкананню ролі Рэй у трылогіі сіквелаў сагі «Зорныя войны».

Дэйзі Рыдлі
Імя пры нараджэнні	англ.: Daisy Jazz Isobel Ridley
Род дзейнасці	актрыса, кінаактрыса, спявачка
Дата нараджэння	10 красавіка 1992(1992-04-10)[1][2] (33 гады)
Месца нараджэння	Вэстмінстэр, Лондан або Лондан, графства Вялікі Лондан, Вялікі Лондан[d], Англія, Вялікабрытанія[3]
Грамадзянства	Вялікабрытанія
Муж	Том Бэйтман[d]
Альма-матар	Tring Park School for the Performing Arts[d] (2010) Біркбек[d]
Узнагароды і прэміі	Empire Award for Best Female Newcomer[d] (2016) кінаўзнагарода MTV за найлепшы прарыў года[d] (2016) Teen Choice Awards (2016) Прэмія часопіса Empire за найлепшую жаночую ролю[d] (2018)
Медыяфайлы на Вікісховішчы

Рыдлі з’яўлялася ў тэлесерыялах «Містэр Сэлфрыдж», «Маўклівы сведка», «Катастрофа», «Шпана». Знялася ў кароткаметражным фільме Blue season, які выйшаў у межах 48-гадзіннага конкурсу кароткаметражных фільмаў брытанскага кінафестывалю Sci-Fi-London. Сыграла галоўную ролю ў трэцім міні-фільме Lifesaver, інтэрактыўнага фільма пра першую дапамогу ў трох эпізодах, намінаванага на ўзнагароду Брытанскай акадэміі. Яе можна таксама ўбачыць у музычным відэакліпе на песню «Lights On» рэпера Уайлі.

Пасля атрымання некалькіх канкуруючых прапаноў, Рыдлі ў жніўні 2014 года перайшла са свайго першапачатковага агенцтва Jonathan Arun у United Talent Agency. У кастрычніку 2014 года, праз два месяцы працы з UTA, заключыла кантракт з агенцтвам Creative Artists Agency.

У красавіку 2014 года было абвешчана, што Рыдлі выканае ролю Рэй, адной з галоўных гераінь фільма «Зорныя войны: Абуджэнне сілы». Выбар Дэйзі Рыдлі ў цэлым выглядае як абдуманы ход з боку рэжысёра Дж. Дж. Абрамса, які жадае паўтарыць размеркаванне галоўных роляў паміж малавядомымі акцёрамі, гэтак жа, як гэта зрабіў Джордж Лукас у першым фільме «Зорных войнаў» у 1977 годзе.

У 2017 годзе Рыдлі выканала ролю Мэры Дэбенхэм у экранізацыі аднайменнага дэтэктыўнага рамана Агаты Крысці «Забойства ва Усходнім экспрэсе» і ролю Рэй, у фільме-працягу «Зорныя войны: Апошнія джэдаі», выхад якога адбыўся 14 снежня 2017 года.

У студзені 2018 года Рыдлі знялася ў ролі Афеліі, у аднайменным фільме «Афелія», пераасэнсаванні гісторыі Гамлета, разам з Наомі Уотс і Клайвам Оўэнам. Праект здымаўся з красавіка па ліпень 2017 года і дэбютаваў на кінафестывалі Sundance Film Festival 2018 года. У лютым 2018 года Рыдлі агучыла ролю Пухнатага хвосціка ў фільме «Трус Пітэр», экранізацыі аднайменных дзіцячых гісторый Беатрыкс Потэр.

У снежні 2019 года Дэйзі Рыдлі вярнулася да ролі Рэй у «Зорныя войны: Узыходжанне Скайуокера», выхад якога адбыўся 19 снежня 2019 года і з’яўляецца апошнім фільмам у трылогіі сіквелаў «Зорных Войн».

Зноскі

1. https://archive.is/20150119002843/http://www.fashionnstyle.com/articles/39630/20150107/daisy-ridley-7-things-you-might-not-know-about-the-star-wars-force-awakens-actress.htm
2. Daisy Ridley // GeneaStar

   <a href='https://wikidata.org/wiki/Track:Q98769076'></a><a href='https://wikidata.org/wiki/Track:Q3100478'></a>
3. Národní autority České republiky Праверана 29 студзеня 2023.

   <a href='https://wikidata.org/wiki/Track:Q13550863'></a>