Евангелле з Ліндзісфарна

Евангелле з Ліндзісфарна — ілюстраваная рукапісная кніга (Ілюмінаванае евангелле), якая змяшчае тэксты евангелляў ад Матфея, Марка, Лукі і Іаана на лацінскай мове. Кніга створана ў Ліндзісфарне ў Нартумбрыі ў канцы VII — пачатку VIII стагоддзя. Гэты манускрыпт з'яўляецца вельмі яркім прадстаўніком групы так званых «астраўных Евангелляў» — рукапісных кніг, створаных ірландскімі (кельцкімі) манахамі ў VII—IX стагоддзях і змяшчае мноства мініяцюр, выкананых у кельцка-англасаксонскім стылі.

невядома[1] і Eadfrith of Lindisfarne[d][1][2]
Евангелле з Ліндзісфарна. 715[3] і каля 700[2]
Матэрыял	пергамент
Котанаўская бібліятэка[4] і Брытанская бібліятэка[1]
(інв. Cotton Ms. Nero D IV.[4][1])
Медыяфайлы на Вікісховішчы

Мяркуецца, што Евангелле з Ліндзісфарна — праца манаха па імені Эадфрыт  (англ.), які стаў епіскапам Ліндзісфарна ў 698 годзе, а памер у 721 годзе. Бягучыя даследаванні паказваюць на дату стварэння каля 715 года. Мяркуецца, што кніга была створана ў гонар святога Кутберта. Евангелле багата ілюстравана ў астраўным стылі і, першапачаткова, валодала ўпрыгожаным каштоўнасцямі акладам, створаным Білфрытам Пустэльнікам  (англ.) у VIII стагоддзі. Падчас рэйдаў вікінгаў на Ліндзісфарн абклад, аднак, быў згублены, а замену яму зрабілі толькі ў 1852 годзе. Тэкст напісаны астраўным шрыфтам.

У X стагоддзі епіскапам Ліндзісфарнскім Алдрэдам  (руск.) быў выкананы пераклад Евангелляў на стараанглійскую мову. Пераклад быў запісаны паміж радкоў лацінскага тэксту. Гэта адзін з першых перакладаў  (англ.) Евангелляў на англійскую мову.

Кніга была набыта сэрам Робертам Котанам у клерка Парламента  (англ.) Роберта Боўера  (англ.) ў пачатку XVII стагоддзя. У XVIII стагоддзі бібліятэка Котана была набыта Брытанскім музеем. Адтуль кніга трапіла ў Брытанскую Бібліятэку ў Лондане.

Зноскі

1. Брытанская бібліятэка Lindisfarne Gospels Праверана 12 снежня 2018.

   <a href='https://wikidata.org/wiki/Track:Q23308'></a>
2. Make Lists, Not War — 2013.

   <a href='https://wikidata.org/wiki/Track:Q97309629'></a>
3. http://www.europeana.eu/portal/record/2063624/UK_280_001.html Праверана 6 мая 2016.
4. http://www.bl.uk/onlinegallery/sacredtexts/lindisfarne.html