Ежы Пецярбурскі

Ежы Пецярбурскі (польск.: Jerzy Petersburski; 20 красавіка 1895, Варшава — 7 кастрычніка 1979, там жа) — польскі кампазітар яўрэйскага паходжання, адзін з найбольш вядомых аўтараў танга ў міжваеннай Польшчы^[3].

Ежы Пецярбурскі
Jerzy Petersburski
Род дзейнасці	кампазітар
Дата нараджэння	20 красавіка 1895(1895-04-20)
Месца нараджэння	Варшава, Царства Польскае, Расійская імперыя[1]
Дата смерці	7 кастрычніка 1979(1979-10-07) (84 гады)
Месца смерці	Варшава, Варшаўскае сталічнае ваяводства, Польская Народная Рэспубліка[2]
Месца пахавання	Старыя Павонзкі
Грамадзянства	Польшча
Альма-матар	Музычны ўніверсітэт імя Фрэдэрыка Шапена
Узнагароды і прэміі
Медыяфайлы на Вікісховішчы

Біяграфія

Паходзіў са знакамітых яўрэйскіх музыкаў Меладыстаў з Варшавы, якія адыгралі важную ролю ў развіцці польскай клезмерскай, эстраднай і джазавай музыкі.

Фартэпіяна пачаў асвойваць у чатырохгадовым узросце. Да 1915 года вучыўся ў Варшаўскай кансерваторыі. З 1920 года — у Вене. Стаў вядомы дзякуючы супрацоўніцтву з варшаўскімі кабарэ і тэатрамі.

У 1936 годзе быў узнагароджаны Залатым Крыжам Заслугі.

Падчас Другой сусветнай вайны знаходзіўся на тэрыторыі СССР, адкуль разам з Арміяй Андэрса трапіў на Блізкі Усход. У Каіры вёў радыёперадачы для польскіх жаўнераў. У 1947–1967 гадах жыў і працаваў у Паўднёвай Амерыцы.

У 1967 годзе вярнуўся ў Польшчу.

Памёр у Варшаве, пахаваны на Паванзкоўскіх могілках (сектар B-5-21/22)^[4].

Творчасць

Аўтар музыкі да шэрагу кінафільмаў, знятых да Другой сусветнай вайны, а таксама папулярных мелодый, сярод якіх найбольш вядомыя^[5]:

• To ostatnia niedziela («Гэта апошняя нядзеля») — песня, якая стала адной з самых вядомых у краінах былога СССР пад назвай «Стомленае сонца»;
• Błękitna chusteczka («Блакітная хустачка») — яшчэ адна вядомая ў СССР песня гэтага кампазітара пад назвай «Сіняя хустачка».
• Tango Milonga (таксама вядома як Oh, Donna Clara) — міжнародны хіт, перакладзены на шматлікія мовы.