Жэрэмі Менез

Жэрэмі Менез (фр.: Jérémy Ménez; нар. 7 мая 1987, Ланжумо) — французскі футбаліст, нападнік (можа таксама згуляць на пазіцыі атакавалага паўабаронцы). Ігрок нацыянальнай зборнай Францыі (2010—2013).

Жэрэмі Менез
Агульная інфармацыя
Нарадзіўся	7 мая 1987(1987-05-07)[1][2][…] (38 гадоў) Ланжумо, дэпартамент Эсон, рэгіён Іль-дэ-Франс, Метраполія Францыі, Францыя
Грамадзянства	Францыя
Рост	183 см[3]
Вага	77 кг[3]
Пазіцыя	нападнік
Маладзёжныя клубы
1994—1995 Вітры 1995—2000 Парыж 2000—2001 Брэтэньі 2001—2004 Сашо
Клубная кар’ера[* 1]
2004—2006 Сашо 55 (7) 2006—2008 Манака 57 (14) 2008—2011 Рома 84 (7) 2011—2014 Пары Сен-Жэрмен 79 (14) 2014—2016 Мілан 43 (18) 2016—2017 Бардо 26 (3) 2017 Антальяспор 7 (0) 2018—2019 Амерыка 18 (5) 2019—2020 Парыж 17 (4) 2020—2023 Рэджына 67 (13)
Нацыянальная зборная[* 2]
2002—2003 Францыя (да 16) 14 (12) 2003—2004 Францыя (да 17) 17 (6) 2005 Францыя (да 18) 6 (6) 2005—2006 Францыя (да 19) 9 (3) 2008 Францыя (да 21) 3 (0) 2010—2013 Францыя 24 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 ліпеня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 10 чэрвеня 2017
Медыяфайлы на Вікісховішчы

Клубная кар’ера

Менез пачынаў сваю кар’еру ў «Сашо». Першы кантракт з клубам ён падпісаў у 16 гадоў. Дэбютаваў у Лізе 1 27 жніўня 2004 года, у матчы супраць «Аяча».

22 студзеня 2006 года Менез заявіў пра сябе ў поўны голас, зрабіўшы хет-трык у матчы з «Бардо», стаўшы самым юным аўтарам хет-трыка за ўсю гісторыю Лігі 1. Неўзабаве ён быў прызнаны найлепшым іграком месяца. З-за выдатнай тэхнікі, маладога іграка параўноўваюць з Зінедзінам Зіданам.

Сезон 2006/07 Менез пачынае ўжо ў складзе «Манака». Кіраўніцтва «манегаскаў» бачыла ў ім «новага» Людавіка Жулі. Неўзабаве іграком зацікавіўся міланскі «Інтэр», але клубы не сышліся ў кошце іграка.

У канцы жніўня 2008 года Менез перайшоў у «Рому». Свой першы гол за «Рому» Жэрэмі забіў 6 снежня 2008 года, у матчы супраць «К’ева».

25 ліпеня 2011 года падпісаў трохгадовы кантракт з «Пары Сен-Жэрмен», у складзе якога стаў двухразовым чэмпіёнам Францыі. У чэрвені 2014 года зноў апынуўся ў Італіі, стаўшы іграком «Мілана». 1 жніўня 2016 года перайшоў у «Бардо».

9 чэрвеня 2017 года было абвешчана ба падпісанні нападнікам трохгадовага канкракта з турэцкім клубам «Антальяспор»^[4]. У студзені 2018 года, пакінуўшы «Антальяспор» з-за фінансавых праблем, перайшоў у мексіканскі клуб «Амерыка»^[5]. У жніўні 2018 года атрымаў траўму і выбыў да канца года.

У жніўні 2019 года пакінуў «Амерыку», а ў верасні вярнуўся ў Францыю, падпісаўшы кантракт з «Парыжам» да канца сезона^[6]. У чэрвені 2020 года ў якасці свабоднага агента падпісаў трохгадовы кантракт з «Рэджынай». Пакінуў клуб па заканчэнні сезона 2022/23.

Міжнародная кар’ера

Выступаў за юнацкія зборныя Францыі розных узростаў. 5 жніўня 2010 года дэбютаваў у складзе нацыянальнай зборнай Францыі ў таварыскім матчы супраць Нарвегіі (1:2). Прымаў удзел у чэмпіянаце Еўропы 2012, дзе 15 чэрвеня адначыўся голам у браму Украіны (2:0).

Дасягненні

«Пары Сен-Жэрмен»:

• Чэмпіён Францыі (2): 2013, 2014
• Уладальнік Кубка французскай лігі: 2014

«Амерыка»:

• Чэмпіён Мексікі: 2018 (а)