Завуголле

Завуго́лле^[1] (трансліт.: Zavuhollie, руск.: Зауголье) — вёска ў Мядзельскім раёне Мінскай вобласці. Уваходзіць у склад Крывіцкага сельсавета.

Вёска Завуголле Краіна Беларусь Вобласць Мінская Раён Мядзельскі Сельсавет Крывіцкі Каардынаты 54°49′16″ пн. ш. 27°13′19″ у. д.HGЯO Колькасць двароў 23 Насельніцтва 33 чалавекі (1997) Часавы пояс UTC+3 Тэлефонны код +375 1797 Паштовыя індэксы 222376 Аўтамабільны код 5 СААТА 6240857018 Завуголле Завуголле

Гісторыя

У 1904 годзе вартоўня Жаснянскай воласці Вілейскага павета Віленскай губерні, 7 жыхароў. У 1921 годзе засценак гміны Жосна Дунілавіцкага (з 1926 года Пастаўскага) павета Віленскага ваяводства, 9 двароў, 65 жыхароў. З 12 кастрычніка 1940 года вёска ў Пузыроўскім сельсавеце Крывіцкага раёна Вілейскай, з 20 верасня 1944 года Маладзечанскай, з 20 студзеня 1960 года Мінскай абласцей, з 25 снежня 1962 года ў Мядзельскім раёне. У 1940 годзе 23 двары, 100 жыхароў. У верасні 1943 года гітлераўцы спалілі вёску (23 двары). Пасля Вялікай Айчыннай вайны адноўлена. У 1950 годзе сяляне аб'ядналіся ў калгас імя Суворава. З 1975 года вёска знаходзіцца ў складзе калгаса «Бальшавік» (цэнтр — вёска Пузыры).

30 кастрычніка 2009 года перададзена са скасаванага Пузыроўскага сельсавета ў Крывіцкі сельсавет^[2].

Насельніцтва

• 15 двароў, 98 жыхароў (1931)^[3]
• 81 жыхар (1960)
• 23 двары, 33 жыхары (1997)

Інфраструктура

Размешчана жывёлагадоўчая ферма.

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. Рашэнне Мінскага абласнога савета дэпутатаў ад 30.10.2009 №219 «Аб змяненні адміністрацыйна-тэрытарыяльнага падзелу Мінскай вобласці» Архівавана 11 лістапада 2013. (руск.)
3. Wykaz miejscowości Rzeczypospolitej Polskiej, Warszawa 1938, wolumin — 1, s. 60