Залог Пяцілеткі

Зало́г Пяціле́ткі^[1] (трансліт.: Zaloh Piacilietki, руск.: Залог Пятилетки; да 1930-х — Заракочча) — вёска ў Пухавіцкім раёне Мінскай вобласці. Уваходзіць у склад Блужскага сельсавета. Месціцца за 30 км на поўдзень ад Мар’інай Горкі, 85 км ад Мінска, 11 км ад чыгуначнай станцыі Талька, на рацэ Суцёнка.

Вёска Залог Пяцілеткі Краіна Беларусь Вобласць Мінская Раён Пухавіцкі Сельсавет Блужскі Каардынаты 53°17′34″ пн. ш. 28°15′09″ у. д.HGЯO Водныя аб’екты Суцінка Насельніцтва ▼238 чал. (2019) Часавы пояс UTC+3 Тэлефонны код +375 1713 Паштовыя індэксы 222814 Аўтамабільны код 5 Залог Пяцілеткі Залог Пяцілеткі

Гісторыя

У пачатку 1930-х гадоў на месцы хутароў Заракочча створаны саўгас «Залог пяцілеткі», былі кузня і малочны завод.

У Другую сусветную вайну з канца чэрвеня 1941 года да пачатку ліпеня 1944 года тэрыторыя вёскі пад акупацыяй Германіі. У часе карных аперацый нямецкіх войскаў вёска была часткова спаленая. Пасля вайны вёска адноўленая.

Да 28 мая 2013 года вёска ўваходзіла ў склад Суцінскага сельсавета (у 2003—2013 гадах яго цэнтр)^[2].

Насельніцтва

• 1960 год — 645 жыхароў
• 1971 год — 191 двор, 406 жыхароў
• 2002 год — 180 двароў, 384 жыхары
• 2007 год — 158 двароў, 350 жыхароў
• 2010 год — 159 гаспадарак, 332 жыхары
• 2012 год — 152 гаспадаркі, 304 жыхары
• 2019 год — 238 жыхароў^[3]