Замак Морыцбург

У паняцця ёсць і іншыя значэнні, гл. Морыцбург.

Замак Морыцбург (ням.: Schloss Moritzburg) — загарадная рэзідэнцыя саксонскіх курфюрстаў дому Ветынаў, размешчаная ў горадзе Морыцбург, за 14 км ад Дрэздэна.

Замак
Замак Морыцбург
ням.: Schloss Moritzburg
51°10′02″ пн. ш. 13°40′46″ у. д.HGЯO
Краіна	Германія
Месцазнаходжанне	Морыцбург, Саксонія
Архітэктурны стыль	рэнесанс, цяпер — барока
Архітэктар	Матэвуш Даніэль Пёпельман
Заснавальнік	Герцаг Морыц
Дата заснавання	1542
Будаўніцтва	1542—1546 гады
Сайт	schloss-moritzburg.de
Медыяфайлы на Вікісховішчы

Замак носіць імя курфюрста Морыца Саксонскага, які ў 1542-46 гг. пабудаваў загарадны дом, дзе спачываў з прыдворнымі пасля паляўнічых забаў. У 1661-71 гг. па праекце В. К. фон Кленгельса да замка была прыбудавана барочная капліца.

Курфюрст Аўгуст Моцны загадаў капітальна перабудаваць замак, прыстасаваўшы яго да густаў XVIII стагоддзя, што і было ажыццёўлена ў 1723-33 гг. пад назіраннем прыдворнага архітэктара М. Пёпельмана. Пазней угоддзі вакол замка ўпрыгожыліся вытанчанымі павільёнамі — такімі, як Фазанавая хатка (1769—82).

Цікавыя факты

Замак Морыцбург быў адным з тых месцаў, дзе ў 1973 годзе здымаўся фільм Тры арэшкі для Папялушкі.

• 
  Замак на старадаўняй замалёўцы
• 
  Сажалка вакол замка
• 
  Алея перад замкам
• 
  Фазанавы дамок Аўгуста II

Спасылкі

• На Вікісховішчы ёсць медыяфайлы па тэме Замак Морыцбург