Ударненскі сельсавет

Уда́рненскі сельсавет — адміністрацыйна-тэрытарыяльная адзінка ў складзе Лельчыцкага раёна Гомельскай вобласці. Цэнтр — аграгарадок (да 2009 г. — вёска) Ударнае.

Ударненскі сельсавет
Краіна	Беларусь
Уваходзіць у	Лельчыцкі раён
Уключае	7 населеных пунктаў
Адміністрацыйны цэнтр	Ударнае
Дата ўтварэння	20 жніўня 1924
Насельніцтва (2019)	1 202
Часавы пояс	UTC+03:00
Код аўтам. нумароў	3

Утвораны 20 жніўня 1924 года як Замошскі сельсавет у складзе Лельчыцкага раёна Мазырскай акругі БССР. Цэнтр — вёска Замошша. Пасля скасавання акруговай сістэмы 26 ліпеня 1930 года ў Лельчыцкім раёне БССР. З 21 чэрвеня 1935 года ў Лельчыцкім раёне Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. З 25 снежня 1962 года па 6 студзеня 1965 года ў Мазырскім раёне. 28 красавіка 1988 года цэнтр сельсавета пеарнесены ў вёску Ударная, сельсавет перайменаваны ва Ударненскі^[1]. 17 снежня 2004 года вёска Ударная перайменавана ў Ударнае^[2].

Насельніцтва сельсавета паводле перапісу 2009 года — 1546 чалавек^[3], з іх 97,9 % — беларусы, 1,2 % — рускія^[4]; паводле перапісу 2019 года — 1202 чалавекі^[5].

Зноскі

1. Рашэнне выканкома Гомельскага абласнога Савета народных дэпутатаў ад 28 красавіка 1988 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1988, № 16 (1930).
2. Пералік змененых назваў геаграфічных аб’ектаў Беларусі за 1997—2008 гг. Архівавана 4 сакавіка 2016. (руск.)
3. Колькасць насельніцтва населеных пунктаў Гомельскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Колькасць насельніцтва населеных пунктаў Гомельскай вобласці Беларусі паводле перапісу 2019 года