Занзібар (горад)

Занзіба́р (англ.: Zanzibar) — горад у Танзаніі, на заходнім беразе вострава Занзібар. 257 тыс. жыхароў (2003).

Горад
Занзібар
англ.: Zanzibar
6°09′57″ пд. ш. 39°11′57″ у. д.HGЯO
Краіна	Танзанія
Гісторыя і геаграфія
Часавы пояс	UTC+03:00
Насельніцтва
Насельніцтва	257 тыс. чалавек (2003)
Паказаць/схаваць карты
Занзібар
Медыяфайлы на Вікісховішчы

Першае паселішча на месцы горада заснавана ў XVI стагоддзі, горад быў цэнтрам рабагандлю, затым султанату Маскат і Аман. Вялікая частка горада забудаваная дамамі арабскага тыпу з каралавага каменя і ўяўляе сабой лабірынт вузкіх вуліц; 2-3-павярховыя дамы з плоскімі дахамі стульваюцца суцэльнай сцяной вакол унутраных двароў, з размаляванымі аканіцамі і рашоткамі, разбянымі дзвярамі з сімвалічнымі малюнкамі рыб, лотаса і ланцугоў. Мячэці, арабскі форт, палац султанаў; еўрапейскія пабудовы канца XIX ст.: англіканская царква, касцёл. Дзяржаўны музей Занзібар (былы Мемарыяльны музей).

Эканоміка

Прадпрыемствы мылаварнай, парфумернай, скурна-абутковая, харчовая прамысловасці; рамесныя майстэрні. Марскі порт (вываз гваздзікі, капары, цытрусаў, гваздзічнага алею), аэрапорт.

Насельніцтва

Год Колькасць 1967 68 400 [1] 1983 125 000 Год Колькасць 1998 158 000 [2] 2002 205 870 Год Колькасць 2012 501 459 2020 403 700 [3] Год Колькасць 2022 709 809 [4]

Гарады-пабрацімы

•  Хайкоу, Кітай (30 кастрычніка 1997)^[5]

Спадчына

У 2000 годзе старая частка горада Занзібара (так званы Каменны Горад) была ўключана ў спіс сусветнай спадчыны ЮНЕСКА.

Вядомыя асобы

• Фрэдзі Меркуры (1946—1991) — англійскі спявак і музыкант.